GUAM-ın iştirakçı ölkələri gömrük yoxlamalarını sadələşdirmək istəyir

Bakıda GUAM-ın rəhbər heyətinin ticarət və daşımaya yardım layihəsinin reallaşdırılması üzrə XXII iclası baş tutub.

Gürcüstan, Ukrayna, Azərbaycan və Moldova gömrük administrasiyaları arasında "Gömrük prosedurlarının həyata keçirilməsində malların və nəqliyyat vasitələrinin gömrük nəzarətinin bəzi nəticələrinin qarşılıqlı tanınması haqqında" protokol layihəsini müzakirə ediblər.

Ukrayna Dövlət Fiskal Xidmətinin Beynəlxalq əlaqələr departamentinin gömrük əməkdaşlığı idarəsinin rəisi Oleq Semenenko qeyd edib ki, bu protokol xarici iqtisadi fəaliyyətin inkişafına və ticarətə yardım üçün rahat şərtlər yaradacaq. Protokolun cüzi tamamlama işlərinə və düzəlişlərə ehtiyacı var, bundan sonra sənəd yekun müzakirəyə çıxarılacaq.

GUAM-ın baş katibi Valeri Çeçelaşvili deyib ki, GUAM-ın bəzi iştirakçı ölkələri arasında birbaşa sərhədlərin olmamasını nəzərə alınsa, gömrük yoxlamalarının bəzi nəticələrinin tanınması çox vacib məqamdır.

Protokol GUAM-ın iştirakçı ölkələri tərəfindən təşkilat ölkələrinin dövlət sərhədləri vasitəsilə yerini dəyişən malların və nəqliyyat vasitələrinin müşayiətinin, eləcə də GUAM ölkələrinin gömrük qanunvericiliklərilə nəzərdə tutulmuş lazımi sənədlərlərlə təmin edilməsini nəzərdə tutur.

Öz növbəsində, hər bir ölkə qarşılıqlı olma əsasında digər üzv ölkələrin mal və nəqliyyat vasitələrinin gömrük nəzarətini həyata keçirməsinin nəticələrini tanıyır və GUAM ölkələrinin dövlət sərhədləri ilə yerini dəyişən həmin mallar və nəqliyyat vasitələrinin gömrük nəzarətini həyata keçirərkən onlardan istifadə edir. -17D—