Gürcüstanın energetika naziri Bakıda qaz məsələlərini müzakirə edəcək

Gürcüstanın energetika naziri Kaxa Kaladze fevralın 4-də Bakıya gəlib. O, Azərbaycan Dövlət Neft Şirkətinin rəhbərliyi ilə danışıqlar aparacaq. Danışıqların mövzusu Azərbaycandan qaz nəqli olacaq.

Gürcüstan Energetika Nazirliyinin mətbuat xidməti bildirib ki, SOCAR prezidenti Rövnəq Abdullayevlə görüş zamanı “əməkdaşlıq və onun perspektivləri məsələləri” müzakirə olunacaq. Bundan öncə Gürcüstan tərəfi Rusiyanın “Qazprom” şirkəti tərəfindən qazın həcminin azalmasının mümkünlüyü il əlaqədar qaz nəqlinin artırılmasını xahiş etmişdi.

Bu mövzu yanvar ayında Rövnəq Abdullayevin Tbilisiyə səfəri zamanı da müzakirə edilib. O zaman Azərbaycandan nəqlin 50 mln. kubmetrədək artırılması barədə razılıq əldə olunub.

Gürcüstanın qaza olan tələbatı 2 mlrd. kub metr təşkil edir ki, bunun da 90%-i Azərbaycandan, 10%-i Ermənistana qaz tranzitinə görə ödəniş kimi Rusiyadan  daxil olur.

Bundan öncə Rusiya bildirib ki, qazı Gürcüstana satacaq, tranzit haqqı kimi pulsuz verməyəcək.

Bundan sonra Gürcüstan tərəfi “Qazprom”dan qaz alqısının həcminin artırılması və Azərbaycandan nəqlin azaldılması məsələsini qaldırıb ki, bu da Bakı və Tbilisi arasında gərginliyə səbəb olub.-02D-