![Hakim ailənin holdinqlərindən birinin konsolidə edilmiş ziyanı 2,2 mln manatdır](https://turan.az/resized/750/500/resize/media/2015/main/070100121770.jpg)
Hakim ailənin holdinqlərindən birinin konsolidə edilmiş ziyanı 2,2 mln manatdır
2014-cü ildə “AtaHolding” ASC-nin baş şirkəti və törəmələrinin konsolidə edilmiş ziyanı 2 mln 229,8 min manat olub.
Yanvarın 1-i üçün 37,6 mln manat həcmində ödənilməmiş ziyan yığılıb. Bu barədə holdinqin mətbuatda dərc edilən maliyyə hesabatında bildirilir. Hesabat iyunun 29-da Pricewaterhouse Coopers Audit Azerbaijan LLC auditor şirkətindən müsbət rəy alıb.
2014-cü ildə AtaHolding şirkətlər qrupunun gəlirləri 15,7% artaraq 88,4 mln manat olub. Əldə edilən gəlirlər üzrə xərclərin maya dəyəri 53,3 mln manat təşkil edib. Bu, 2013-cü ildəkindən 37% çoxdur. Əməliyyat xərcləri (30,5 mln) və başqa gəlir və xərclər nəzərə alınmaqla ötən il holdinqin əməliyyat ziyanı 1 mln 365 min manat olub. Maliyyə gəlirləri və xərcləri, eləcə də mənfəət vergisi nəticəsində “AtaHolding” ASC-nin ziyanı 2,2 mln manat təşkil edib.
Amma holdinqin balans göstəriciləri yaxşılaşıb. Son 2 ildə “AtaHolding” ASC-nin aktivləri iki dəfə artaraq 632,2 mln manata çatıb. 2014-cü ildə nizamnamə kapitalı 83,9 mln-dan 125,3 mln manata artıb. Yığılan ziyan nəzərə alınmaqla səhmdarların kapitalı 97 mln manatdır. Bundan başqa, səhmdarların nəzarət etmədiyi şirkətlərdə 12,7 mln kapitalı var.
Holdinqə “AtaBank”, “Atasığorta”, “AtaLizinq”, “Excelsior Hotel Baku”, eləcə də Bakı və Şəmkirdə bir neçə müəssisələri var. Holdinq Bank VTB-də (Azerbaycan) 49%, “Zəyəm Texnologiyalar Parkı”nda (törəmə “AtaSənaye” şirkəti vasitəsilə) 30% və “Azerbaijan Global İnvestments”də 33% paya malikdir.
“AtaHolding” ASC-nin səhmdarları 3 xarici hüquqi şəxsdir: Hughson Management Inc. (51%), Asbet Limited (25%) и Clonmel International Inc. (24%) Beynəlxalq maliyyə hesabatlılığı standartların auyğun 2013-cü il üçün audit hesabatına əsasən, holdinqə prezident İlham Əliyevin 19 yaşlı oğlu Heydər Əliyev nəzarət edir. 08B
-
- İqtisadiyyat
- 1 İyul 2015 15:04
-
- İqtisadiyyat
- 1 İyul 2015 15:27
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz