Bakı-Pirşağı-Sumqayıt dəmir yolunun (uzunluğu 29,2 km.) əsaslı yenidən qurulmasına başlanılıb. Bu barədə Azərbaycan Dəmir Yolları İdarəsi məlumat verib. İşləri “Dəmiryolservis” həyata keçirir.
İnşaatçılar “Nərimanov-Böyük Şor sahəsində 2,2 km. yolun təmirinə başlayıblar. Bakı-Pirşağı-Sumqayıt marşrutu üzrə hərəkətin bərpası 8-ci km, Sabunçu, Zabrat-Pirşağı, Kürdəxanı, Goradil qəsəbə sakinlərinin nəqliyyatın bu növündən istifadəsinə imkan verəcək.
Yolun bərpası Bakı və Sumqayıt arasında dairəvi yolla elektrik qatarlarının hərəkətini təmin edəcək. Belə ki, elektrik qatarları Bakı-Pirşağı-Sumqayıt-Xırdalan-Bakı və Bakı-Xırdalan-Sumqayıt-Pirşağı-Bakı marşrutları üzrə hərəkət edəcək. Şəhərətrafı qəsəbələrdən, bağ massivlərindən Sumqayıt və Bakıya gedən sərnişinlər üçün yol xeyli qısa olacaq. —06В--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz