TRACECA dəhlizi ilə Azərbaycan ərazisindən tranzit daşımalarının həcmi bu ilin 10 ayında 12 397,3 min ton təşkil edib. Bu, ötən ilin eyni dövründəkindən 5,2% azdır. Daşıyıcılar həcmdəki azalmanı Xəzərdəki əlverişsiz hava şəraiti ilə izah edirlər.
«Azərbaycan Dəmir Yolları» QSC-nin yük daşımaları departamentində Turan-a bildiriblər ki, bu ilin oktyabrında bərələrdən 6699, noyabrda 5932, 16 dekabr üçün 2330 vaqon boşaldılıb.
Daşımalar şərq və qərb istiqamətində (Avropa, türkmənistan, Tacikistan, Türkiyə və s.) həyata keçirilir. Tranzitlə əsasən xam neft, tikinti materialları, alüminium, məişət avadanlığı və s. daşınır.
Dəmiryolçular və Xəzər Dəniz Gəmiçiliyi tranzit daşımalardan 121 718,1 min manat əldə edib. Bu, ötən ilin eyni dövründəkindən 5,7% azdır.
Dövlətstatkomun məlumatına görə, bu ilin 11 ayında dəmir yolu ilə 7 344,7 min ton (-2,8%), su nəqliyyatı ilə 4 306,7 min ton (7,4%) yük daşınıb. Dəniz yük daşımalarının 56,3%-i neftdir. 08B
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz