Bu ilin birinci kvartalında Azərbaycana 21 379 avtonəqliyyat vasitəsi göndərilib. Martda idxal əvvəlki aylarla müqayisədə 4,6% (326 ədəd) artıb.
Dövlət Gömrük Komitəsinin məlumatına görə, martda ölkəyə 7288 ədəd avtonəqliyyat vasitəsi gətirilib. Yanvarda bu göstərici 7 130, fevralda 6962 ədəd təşkil edib. İdxal edilən avtomobillərin 90,9%-i və 19 446 ədəd minik avtomobillərinin payına düşür.
Bu ilin yanvar-mart aylarında ölkəyə 245 ədəd avtobus, 1475 yük maşını, 213 ədəd xüsusi təyinatlı motorlu nəqliyyat vasitəsi gətirilib.
2012-ci ildə Azərbaycana minik avtomobillərinin idxalı 38% artaraq 89 652 ədəd təşkil edib.
DGK-nın məlumatına görə, bu ilin iki ayında Azərbaycana bəyan edilmiş ümumi dəyəri $220,4 mln. olan bütün növ nəqliyyat vasitələri və ehtiyat hissələri gətirilib. Bu 2012-ci ilin müvafiq dövründən 23% azdır.
Dövlət Statistika Komitəsinin məlumatına görə, bu ilin birinci kvartalında Azərbaycanda konveyerdən 44 ədəd yük avtomobili, 32 minik avtomobili və 77 traktor buraxılıb. 08D
İqtisadiyyat
-
Azərbaycanın düyü idxalı sürətlə artmaqdadır, çünki yerli istehsal artan tələbatı qarşılamaqda çətinlik çəkir. Bu tendensiya ölkənin xarici tədarükçülərdən asılılığını vurğulayır. Hökumətin istehsalı artırmaq təşəbbüslərinə baxmayaraq, yerli istehsal dəyişməz qalır və 2024-2025 mövsümündə cəmi 10 000 ton məhsul gözlənilir. Bununla yanaşı, 2024-cü ilin yanvar-oktyabr aylarında ölkəyə 55 961 ton düyü idxal olunub.
-
Azərbaycan və Pakistan enerji əməkdaşlığının dərinləşdirilməsinə artan sadiqlik nümayiş etdirir və bu istiqamətdə xüsusilə bərpa olunan enerji təşəbbüslərinə diqqət yetirir. Yanvarın 30-da Azərbaycanın enerji naziri Pərviz Şahbazov Bakıda Pakistanın Federal Özəlləşdirmə, İnvestisiya Şurası və Kommunikasiyalar naziri Əbdül Alim Xan rəhbərlik etdiyi nümayəndə heyətini qəbul edib.
-
Qazaxıstanın ən böyük yatağı olan Kaşaqandan hasil edilən neft Bakı-Tbilisi-Ceyhan (BTC) boru kəmərinə daxil olmağa başlayıb. SOCAR-ın məlumatına görə, bu neftin ilk partiyası 27 yanvarda Səngəçal terminalında qəbul edilib və BTC vasitəsilə Ceyhan limanına nəql ediləcək.
-
Azərbaycan sosial-iqtisadi inkişaf strategiyasının həyata keçirilməsini sürətləndirir, rəqəmsal transformasiya və kibertəhlükəsizliyin gücləndirilməsinə diqqət yetirir. Hökumət insan kapitalının inkişafına və kibertəhlükəsizlik mütəxəssislərinin hazırlanmasına resurs ayırır, İnnovasiya və Rəqəmsal İnkişaf Agentliyinin İdarə Heyətinin sədri Fərid Osmanov yanvarın 30-da Azərbaycan Kibertəhlükəsizlik Mərkəzinin (AKM) dördüncü “Məzun Günü” tədbirində bildirib.
Rəy yaz