Hesablama Palatasının I yarımil üzrə hesabatı

Hesablama Palatasının I yarımil üzrə hesabatını açıqlayıb. 2015-ci ilin 6 ayı ərzində nəzarət tədbirlərinin əhatəsinə daxil olmuş satınalmaların ümumi məbləği 885 milyon manat təşkil edib.

Yanvar-iyulda 34 kompleks yoxlama aparılıb. 58 icraya nəzarət tədbiri həyata keçirilir. Kollegiya 34 yoxlamanın nəticəsi üzrə qərar qəbul edib. 34 nəzarət tədbirindən 1-i dövlət büdcəsinin gəlirləri ilə yanaşı xərclərini, 1-i dövlət büdcəsinin xərcləri ilə birgə dövlət zəmanəti ilə alınmış kreditlər üzrə vəsaitləri, 29-u dövlət büdcəsinin xərclərini, 2-si Azərbaycan Respublikası Dövlət Sosial Müdafiə Fondunun (DSMF) vəsaitlərini, 1-i Azərbaycan Respublikası Dövlət Neft Fondunun (ARDNF) büdcəsini əhatə edib.

I yarımildə DSMF-in büdcəsi üzrə 6,8 mln. manat və ARDNF-in 2014-cü il üzrə büdcəsi əhatə olunub. Əhatə edilmiş dövlət zəmanətli kredit vəsaitlərinin həcmi isə 25,6 mln. manat təşkil edib.
2015-ci ilin 6 ayı ərzində 107 Kollegiya qərarı qəbul edilib. Bunun 60-ı cari ilin İş planı əsasında həyata keçirilən nəzarət tədbirlərinin proqramları, 43-ü isə nəticələri ilə bağlı olub. 

Nəticələri ilə bağlı qəbul edilmiş kollegiya qərarları əsasında 50 quruma təqdimat göndərilib. Həmin təqdimatların 34%-ni yerli icra hakimiyyəti orqanlarına aid olub.

2015-ci ilin hesabat dövründə görülmüş tədbirlərin nəticəsi kimi ümumilikdə 1 564,3 min manat dövlət vəsaitinin bərpası təmin edilib. 1 309,1 min manat məbləğində çatışmayan və ya müqavilə öhdəliklərinin yerinə yetirilməsi təmin olunmayan inventar və avadanlıqların təhvil verilməsi, 352,5 min manat məbləğində iş və xidmətlərin görülməsi təmin edilib.

Yoxlamalar nəticəsində 101 vəzifəli şəxslə bağlı müxtəlif intizam-tənbeh tədbirləri tətbiq edilib. --17D—