![Hökumət Bakıda yeni dövlət nəqliyyat müəssisəsi yaradıb](https://turan.az/resized/media/2014/main/041400075441-750-500-resize.webp)
Hökumət Bakıda yeni dövlət nəqliyyat müəssisəsi yaradıb
Nazirlər Kabineti Bakı Şəhər İcra Hakimiyyətinin tabeliyində "BakuBus" Məhdud Məsuliyyətli Cəmiyyətinin yaradılması haqqında
qərar qəbul edib. MMC Bakıda avtobus sərnişin daşımaları ilə məşğul olacaq. Qərar 3 apreldə qəbul edilib, bu gün hökumətin saytında yerləşdirilib.
“BakuBus” MMC üçün 2014-cü ilin dövlət büdcəsində nəzərdə tutulmuş Ehtiyat Fondundan 30,0 milyon manat məbləğində vəsait ayrılıb. Bu vəsaitlər sərnişin daşınması üzrə avtobusların alınmasına xərclənəcək. Əmlak Məsələləri Dövlət Komitəsi ən azı 200 ədəd iritutumlu avtobusun saxlanması məqsədi ilə avtonəqliyyat parkları üçün yerin ayrılmasını 1 ay müddətə təşkil etməlidir. Nəqliyyat Nazirliyi Bakı Şəhər İcra Hakimiyyəti ilə birlikdə Cəmiyyətə məxsus avtobusların marşrutlarını və hərəkət qrafiklərini müəyyən edəcək. “BakuBus” özünümaliyyələşdirmə prinsipi əsasında fəaliyyət göstərəcək.
Nazirlər Kabineti qərarını Bakı şəhərində sərnişinlərə avtobus nəqliyyatı sahəsində beynəlxalq standartlara uyğun xidmətin təşkili, bu sahənin müasir tipli nəqliyyat vasitələri ilə təchiz edilməsi, sərnişindaşımaların yerinə yetirilməsi zamanı texniki və ekoloji baxımdan təhlükəsizliyin təmin olunması məqsədi ilə əsaslandırır. Ekspertlər hesab edir ki, bu addım Avropa Olimpiya Oyunlarının tədbirlər planına daxildir.
Nəqliyyat Nazirliyinin məlumatına görə, Bakıda 32 şirkət sərnişin daşınması ilə məşğul olur, onların 2800 avtobusu var. Nəqliyyat Nazirliyi yanında dövlət “Bakı Sərnişin Nəqliyyatı” MMC fəaliyyət göstərir. Orda 900 nəfər çalışır. Müəssisənin balansındakı avtobusların sayı açıqlanmır. 2011-ci ildə “Bakı Sərnişin Nəqliyyatı” MMC 7,7 mln, 2012-ci ildə 2,6 mln manat ziyanla işləyib. 08D
-
- İqtisadiyyat
- 14 Aprel 2014 16:02
-
- Siyasət
- 14 Aprel 2014 17:34
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz