Nazirlər Kabineti hər üç əlillik dərəcəsinin müəyyən olunması, eləcə də 18 yaşınadək uşaqların sağlamlıq imkanlarının məhdudluğu meyarlarına yenidən baxmaq qərarına gəlib. Köhnə reqlament 1997-ci ildən qüvvədədir.
Hökumətin 30 dekabr 2015-ci il tarixli, bu gün açıqlanan qərarına əsasən, əlillik və ya 18 yaşınadək uşaqların sağlamlıq imkanlarının məhdudluğu şəxsin tibbi-sosial ekspertiza müayinəsi ilə müvafiq qərar çıxarılması yolu ilə müəyyən olunur.
Qərar “Əlilliyin və sağlamlıq imkanlarının məhdudluğunun qiymətləndirilməsi sisteminin təkmilləşdirilməsi haqqında” Azərbaycan Respublikası Prezidentinin 2015-ci il 14 sentyabr tarixli 595 nömrəli Fərmanının icrasını təmin üçün qəbul edilib. Bu qərar kliniki, psixoloji, sosial-məişət, peşə amili, eləcə də insanın reabilitasiya potensialının kompleks qiymətləndirilməsinə əsaslanır.
Birinci qrup əlillik müddətsiz verilir. Xüsusi hallarda ikinci və üçüncü qrup əlillik də müddətsiz müəyyən edilə bilər. Digər hallarda II və III qrup əlillik 5 il müddətinə təyin edilir. 10 il fasiləsiz II qrup əlilliyi olan şəxs daimi qrupa daxil edilir. III qrup əlillər üçün 15 il vaxt müəyyən edilib. 08D
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz