“Pasha Holding ltd” MMC-nin səhmdarları “Pasha Development” MMC rəhbərliyində rotasiya həyata keçiriblər.
Holdinqin Müşahidə Şurasının üzvü (aprel, 2010-cu il) 35 yaşlı Nəriman Sərdarlı dekabrın son günlərində “Pasha Development” MMC-nin direktoru vəzifəsinə təyin edilib. O, bu postda Araz Ağayevi əvəzləyib.
A.Ağayev hazırda holdinqin “PMD Group” və “Amal İnvest Group” kimi bir neçə iri kommersiya strukturuna rəhbərlik edir.
“Pasha Development” MMC 2012-ci ilin iyununda “Pasha Holding” MMC şirkətlər qrupu tərəfindən təsis edilib. İlkin olaraq şirkətin kapitalı 16 mln. manat təşkil edib. Hazırda şirkətin kapitalı 240 mln. manatı ötür.
“Pasha Development” MMC təkcə Azərbaycan daxilində deyil, həm də onun hüdudlarından kənarda daşınmaz əmlakların alınması və idarə edilməsi ilə məşğul olur.
Məsələn, 2015-ci ildə şirkət narkoloji dispenserin (Tbilisi şəhəri, Ulyu Dodo Abaşidze, N17/4) keçmiş binasının sahibi olub. Gürcü mənbələri bildirirlər ki, “Pasha Development” Dövlət Daşınmaz Əmlak Agentliyinin keçirdiyi elektron hərracda qalib olub. Agentlik 7823 kv. metr ərazini bir şərtlə satıb ki, onun yerində otel (ən azı 150 nömrəlik) və ya kommersiya/ofis binası inşa olunsun. Sövdələşmə “Pasha Development”ə 3 555 000 ABŞ dollarına başa gəlib.
“Pasha Holding” MMC-yə nəzarəti Arzu və Leyla Əliyeva bacıları həyata keçirirlər.08B
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz