Hökumət iki il əvvəl yol verdiyi səhvi düzəldib

Nazirlər Kabineti dövlət özəlləşdirmə çeklərini alqı-satqısı üçün xüsusi tələb nəzərdə tutulan qiymətli kağızların siyahısından (http://goo.gl/MJL5mD) çıxarıb. Hökumətin qərarı bu il fevralın 25-də qəbul edilib, amma mətbuatda dünən dərc edilib.

Beləliklə, hökumət iki il əvvəl yol verdiyi səhvi düzəldib. Məsələ burasındadır ki, dövlət özəlləşdirmə çeklərinin dövriyyə müddəti 31 dekabr 2010-cu ildə başa çatıb. O vaxtdan onlar qiymətli kağızlar sayılmır. Amma Nazirlər Kabineti 4 aprel 2014-cü ildə bu qiymətli kağızları alqı0satqısı Mülki Məcəllə ilə tənzimlənən və Qiymətli Kağızlar üzrə Dövlət Komitəsi tərəfindən nəzarət edilən tənzimlənən qiymətli kağızların siyahısına (“Azərbaycan Respublikasında ticarət, ictimai iaşə, məişət və digər növ xidmət Qaydaları”) daxil edib.

Maraqlıdır ki, müəyyən şəxslər hələ də “qara bazarda” dövlət özəlləşdirmə paylarının alqı-satqısı ilə məşğul olur (1 pay=4 çek). Bu gün onların qiyməti 6 manatdır.

Dövlət özəlləşdirmə payları 1997-ci ilin martında dövriyyəyə buraxılıb. Hər vətəndaşa pulsuz bir pay verilib. Güzəştli kateqoriyadan olan insanlar (BVM və Qarabağ müharibəsi iştirakçıları, şəhid ailələri, 20 Yanvar əlilləri və s.) iki dəfə əlavə pay alıb. Özəlləşmə zamanı payların 80%-dən istifadə edilib. 08B