Azərbaycan Dövlət Neft Şirkəti Çernoqoriyada yeni kurortun inşasına €200 mln. avrodan çox investisiya qoyub. Bu barədə Çernoqoriyanın prezidenti Filip Vuyanoviç bne IntelliNews nəşrinə müsahibəsində deyib.
“SOCAR bu layihəyə €200 mln. avrodan çox vəsait qoyub və 2017-ci ilin sonlarında açılışı gözləyirik”, - Filip Vuyanoviç vurğulayıb.
Onun sözlərinə görə, €500 dəyərində yeni kurort turizm sektorunu və ölkə iqtisadiyyatını təşviq edir.
F. Vuyanoviçin sözlərinə görə, kurortun maliyyələşdirilməsində SOCAR ilə yanaşı Azərbaycanın PASHA Holding, AtaHoldings və Synergy Group-u iştirak edir.
Keçmiş hərbi obyektin ərazisinin 90 il müddətinə icarəsi üzrə tender 2012-ci ildə Çernoqoriyada keçirilib və SOCAR tenderin qalibi olub.
Çernoqoriyada layihənin reallaşması üçün Azərbaycan tərəfdən “Azmont Investments” MMC təsis edilib.
Kurort kompleksi Boko-Kotor körfəzinin sahilində Kombor şəhərciyindəki köhnə kazarmalarının yerində olacaq. Yeni kompleks VİP-müştərilər üçün nəzərdə tutulan One&Only kurort şəbəkəsinə daxil olacaq. Çernoqoriyada otel Avropada bu şəbəkədən ilk otel olacaq.
SOCAR-ın audit edilmiş hesabatlarında Dövlət Neft Şirkətinin Çernoqoriyada turizm sahəsinə investisiyaları barədə məlumat yoxdur. Vaxtilə SOCAR prezidenti Rövnəq Abdullayev şirkətin tenderdə iştirakını onunla izah edib ki, Azərbaycan tərəfdən beynəlxalq səviyyədə tanınmış şirkət olmayıb. Odur ki, SOCAR bu prosesdə iştirak edib, rəqabət qabiliyyətli qiymət təklif edib və sonra layihənin reallaşmasını digər Azərbaycan şirkətlərinə həvalə edib.12В--
İqtisadiyyat
-
Turan xəbər verir ki, 6 yanvar 2025-ci il tarixindən etibarən Azərbaycandan Bolqarıstana təbii qazın nəqli texniki səbəblərə görə müvəqqəti olaraq dayandırılıb. Bolqarıstanın “Bulgargaz” Enerji Şirkəti tədarükün 2025-ci il yanvarın 11-də bərpa olunacağını elan edib.
-
2024-cü ildə Azərbaycan hava nəqliyyatı vasitəsilə 38 ölkədən 3,523 milyon sərnişin qəbul edib ki, bu da əvvəlki illə müqayisədə 32,1%-lik əhəmiyyətli artımı əks etdirir. Dövlət Turizm Agentliyinin məlumatına görə, ölkəyə gələn ölkələrin sayı üç artırılaraq illik 8,5%-lik genişlənmə əldə olunub.
-
Azərbaycan 2025-ci ildə iqtisadi artım üçün iddialı bir yol xəritəsi təyin edərkən, ölkə öz investisiya portfelini genişləndirmək və innovativ maliyyə alətləri inkişaf etdirmək üçün hazırlaşır. Bu səylər daxili və beynəlxalq investorlar üçün əlverişli mühit yaratmağı hədəfləyir və iqtisadiyyatı neft asılılığından diversifikasiya olunmuş və davamlı inkişafa yönəltməyi nəzərdə tutur.
-
2025-ci ildə Azərbaycan mədəni ənənələri, dini ayinləri və milli xatirə tarixlərini özündə birləşdirən bir sıra dövlət bayramlarını və yas tədbirlərini qeyd edəcək. Nazirlər Kabineti tərəfindən təsdiq edilmiş təqvim vətəndaşlara miraslarını şərəfləndirmək, tarix haqqında düşünmək, ailə və dostları ilə istirahət etmək imkanı verəcək mənalı tarixləri müəyyənləşdirir.
Rəy yaz