Hökumət vergi işçilərinin maaşını 25-70% artırıb

Nazirlər Kabineti Vergilər Nazirliyi əməkdaşlarının maaşını 25-70% artırıb. Sonuncu dəfə onların əmək haqları 2010-cu ilin noyabrında artırılıb.

Сyeni tarif sisteminə əsasən, Vergilər Nazirliyinin aparat rəhbəri bu il yanvarın  1-dən 800 manat (+26,25%) əvəzinə 1010 manat alır. Aparatın rəhbər işçiləri 890-620 manat maaş alır. Buna qədər onların əmək haqları 660-430 manat idi. Sıravi vergi müfəttişi 510 manat qazanır. Bu, əvvəlkindən 27,5% çoxdur.

İndi Vergilər Nazirliyinin departament rəhbərləri 550 manat maaşa lırlar. Bu, əvvəlkindən 41% çoxdur. Sıravi inspektrlara 310 manat təyin edilib. Bu, 2010-cu ilin noyabrındakından 148 manat və ya 70% çoxdur.

Nazirliyin ərazi idarələrinin rəhbərləri yanvardan 500-540 manat (+40%) alır. Sıravi inspektorların maaşı isə 285 manat - əvvəlkindən 62% çoxdur.

KİV-də gedən məlumatlara görə, bir sıra dövlət strukturlarında, o cümlədən Vergilər Nazirliyində «zərf sistemi» var: əməkdaşlara qeyri-rəsmi əlavə verilir.

Dövlət Vergi Müfəttişliyi İdarəsinin sabiq rəisi Əlabbas Rüstəmovun fikrincə, artımdan sonra da nazirlik əməkdaşlarının maaşı azdır. Onun fikrincə, vergi əməkdaşı azı 1000 manat almalıdır.

Vergilər Nazirliyinin yanında büdcədənkənar fond var. O, cərimələrdən formalaşır. 2013-cü ildə Fonda 34,4 mln manat cəlb edilib. Amma bu vəsaitdən Vergilər Nazirliyinin təsərrüfat ehtiyacları üçün istifadə edilir.     

Nazirlər Kabinetinin qərarı fevralın 4-də verilsə də, bu həftə açıqlanıb. 08B