Martın 13-də Sumqayıt Apellyasiya Məhkəməsi AXCP-nin gənc fəalı Cabbar Savalanın barəsində inzibati cəzanı yumşaldıb. Onun həbs müddəti 20 sutkadan 15 sutkaya endirilib.
Bununla yanaşı Bakı Apellyasiya Məhkəməsi digər AXCP fəalı Bəhruz Həsənlinin şikayətini təmin etməyərək onun 20 sutka həbs olunması barədə qərarı qüvvədə saxlayıb. Bu barədə Turan-a AXCP sədrinin ümavini Gözəl Bayramlı məlumat verib. Onun sözlərinə görə, B.Həsənlinin şikayətinə baxılması formal olub və Apellyasiya Məhkəməsi qərar qəbul etmək üçün cəmi 1 dəqiqəlik məşvərətə gedib.
B.Həsənli və C.Savalan müvafiq olaraq fevralın 27-də və martın 1-də polisə tabe olmamaqda ittiham edilərək 20 sutkalığa həbs olunublar.
Lakin AXCP hesab edir ki, B.Həsənli, C.Savalan həmçinin fevralın sonlarında- martın əvvəllərində həbs olunmuş AXCP fəalları Təzəxan Mirələmli, İlham Hüseyn, Ağaverdi Ruşanov və Türkel Əlisoy fevralın 26-da Xocalı soyqırımı qurbanlarını anım günündə keçirilən yürüşdə iştiraka görə siyasi motivlərlə təqib olunurlar.
G.Bayramlının sözlərinə görə, yaxın günlərdə fevralın sonlarında- martın əvvəllərində həbs olunmuş digər 4 fəalın da apellyasiya şikayətlərinə baxılacaq.
Bundan əlavə, müdafiə tərəfi Xətai polisində Türkel Əlisoya işgəncə verilməsiilə bağlı şikayət hazırlayır.. –06C--
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz