Bakı/15.03.12/Turan: Parlamentin plenar iclasında ölkə hökumətinin hesabatı dinlənilib. Məruzə ilə çıxış edən baş nazir Artur Rəsizadə bildirib ki, ötən il əhalinin həyat səviyyəsi artıb, makroiqtisadi sabitlik saxlanılıb, enerji və ərzaq təhlükəsizliyi təmin edilib.
Hökumət başçısı qeyri-neft sektorunda inkişafın sürətini qeyd edib (+9,7%), ÜDM artımı 2,2% təşkil edib.
Onun sözlərinə görə, ötən il ölkə iqtisadiyyatına 25,8 mlrd. manat investisiya qoyulub. Ümumi büdcənin gəlirləri 20,1 mlrd. manat, ölkənin strateji valyuta ehtiyatları $46 mlrd. təşkil edib.
İnflyasiyasının səviyyəsi (1,1%) və 2012-ci ilin yanvarına qədər SSRİ əmanət bankının keçmiş əmanətçilərinə 550 mln. manatın ödənilməsi iqtisadiyyatın sosialyönlü olduğunu göstərir. Bundan əlavə, orta aylıq əmək haqqı 8,7% artıb, bütün növ pensiyaların orta səviyyəsi 152 manata bərabər olub.
Maliyyə davamlılığından danışan baş nazir kredit qoyuluşlarının 20,8% artdığını qeyd edib.
İl ərzində sahibkarlara bütün növ kreditlər üzrə 212 mln. manat həcmində güzəştli vəsait ayrılıb.--17D—
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz