Valideynlər orduda əsgər ölümlərinə son tələb edir
Övladrları qeyri-döyüş şəraitində həlak olan bur qrup əsgər valideynlərinin ictimai birliyi olan “Atəşkəs Qurbanları” cümə günü RATİ-də “Əsgər ölümlərinə son” mövzusunda dəyirmi masa keçirib.
Birlik sədri Bəyalı Əzizov son 10 ildə orduda əsgərlərin qeyri-döyüş şəraitində həkal olması hallarının artan dinamika ilə inkişafınıın cəmiyyətdə narahatlıq doğurduğunu bildirib. Tədbirdə çıxış edən valideynlər əsgər ölümlərində əsas günahkar kimi müdafiə naziri Səfər Əbiyevi və Baş Qərargah rəisi Nəcməddin Sadıqovu ittiham ediblər. Bu şəxsləri orduya rəhbərlik etməyi bacarmamaqda suçlayıblar, hətta istefa verməyə çağırıblar.
Əsgər valideynlərinin daha bir narazılığı əsgər ölümləri ilə bağlı aparılan istintaq işlərinə aid olub. Belə ki, valideynlər övladlarının həlak olmaları ilə bağlı aparılan bütün istintaq işlərini həqiqətdən uzaq sayıblar. Övladlarını geri qaytara bilməyəcklərini deyən valideynlər obyektiv istintaqa nail olmaqda əsas məqsədlərinin orduda əsl durumu üzə çıxararaq sonra baş verə biləcək faciələrin qarşısını almaq olduğunu deyiblər. Çox zaman əsgər ölümlərilə bağlı başlayan istintaqların sonradan hansısa yeyinti, iqtisadi məsələni araşıdrma ilə məşğul olmasına diqqət çəkiblər. İstintaq zamanı baş verən haqsızlıqlar o qədər amansız olub ki, övladları qeyri-döyüş şəratitində həlak olan əsgər ataları Etibar Məmmədov və Etibar Quliyev bu haqsızlıqlara dözməyərək vəfat ediblər.
Valideynlər ordu sıralarında dünyalarını dəyişən əsgərlərə və əsgər ailəsinə müdafiə nazirlyinin laqeyd münasibətindən narazılıq ediblər. Bu əsgərlərin dəfnində nazirıliyin əməkdaşlarının iştirak etməməsini nəzərə çatdırıblar. İstintaq zamanı hər hansı məsələni araşdırmaq üçün müdafiə nazirliyi əməkdşaları ilə görüşmək istəyən valideynlər qəbul edilmir, onları dinləmirlər.
Valideynlər “Şəhid statusu haqqında” qanunun qəbuluna ehtiyac olduğunu vurğulayıblar. Çünki, orduda bu və ya digər səbəb üzündən dünyasını dəyişən əsgərin bütün dəfn xərclərini dövlət qarşılamalı ikən bu xərclər ailələrin üzərinə düşür.
Eyni zamanda tədbirdə əsgər ölümlərinə etiraz olan 10 mart aksiyasına da münasibət ifadə olunub. Valideynlər aksiyanın təşkilatçlıarının və iştirakçılarının səmimiliyinə inandıqlarını deyiblər. Bu aksiyanın hər cür siyasi rəngdən uzaq olduğunu söyləyiblər. 2012-ci ildə qeyri-döyüş şəraitində 100 əsgərin ölümünə toxunan valideynlər bu rəqəmi orduda hər üç gündən bir bir əsgərin, bir oğulun, bir vətəndşaın ölməsi adlandırıblar. Bu ölümlərə etiraz olan 10 mart aksiyasını siyasi sayanlara bunun harasının siyasi olmasını izah etmək müraciəti ünvanlayıblar. Valideynlər dövlət rəhbərliyinə, müdafiə nazilriyinə orduda qeyri-döyüş şəraitində əsgər ölümlərinə son qoymaq çağırışı ediblər. Orduda qeyri-döyüş şəraitində əsgər ölümlərinə bundan sonra da etiraz aksiyaları olacaqsa yenə qatılacaqlarını ifadə ediblər. Əsgər, oğul itirən valideynlər bu etirazların qarşısının alınmasının orduda qeyri-döyüş şəraitində əsgər ölümlərinə son qoyulmasından keçdiyini xüsusi vurğulayıblar.
“Atəşkəs Qurbanları” ictimai birliyini övladlarını qeyri-döyüş şəraitində itirən bir qrup valideyn 2012-ci ilin fevralında təsis edib. Bütün il ərzində dəliyyə nazilyiniə müraciətlərinə baxmayaraq nazirlik qurumu hələ qeydə almayıb.-05C-
Rəy yaz