Hündürmərtəbəli binaların tikintisinə nəzarətçi lazımdı

Azərbaycanda çoxmənzilli evlərin nə tikintisinə və istismara icazə verilməsinə, və də onların inşasına nəzarət edilmir, - deyə «Transparency Azerbaijan» ictimai birliyinin eksperti Hafiz Həsənov çoxmənzilli evlərin qeydiyyatı məsələsində uğurlar və problemlər mövzusunda keçirilən “dəyirmi masanın” iclasında bildirib. Əks təsir kimi o icra hakimiyyətlərin yanında prosesə nəzarət edəcək xüsusi komissiyanın yaradılmasının tərəfdarıdır.

“”Vahid pəncərə” pronsipi ilə işləyən komissiyanın yaradılması bu sahədə şəffaflığı təmin edərdi, komissiyanın tərkibinə isə müxtəlif dövlət və strukturlarının əməkdaşları daxil ola bilər”, - deyə Həsənov bildirib.

Onun sözlərinə görə, mənzil alıb aldanan əmanətçilərin problemini, həmçinin bir mənzilin bir neçə şəxsə satılması problemini həll etmək lazımdır. “Hər konkret mənzilə dövlət elektron reyestrində müqavilələrin, həmçinin mənzillərin qeydiyyatını aparmaq lazımdır ki, vətəndaşlar heç yerə getmədən onların parmetrləri ilə tanış ola bilsin”, - deyə o qeyd edib və əlavə edib ki, tikilən evlərin təxminən üçdə biri FHN-də qeydiyyatdan keçmir.

“Komissiya yaradılacağı təqdirdə o tikintidən tutmuş istismara verilənə qədər bütün prosesə nəzarət edə bilər, bu da problemin həlli kömək edər.

Eyni zamanda dövlət qeydiyyatından keçməyən bütün evlərə amnistiya vermək lazımdır”, - deyə məruzəçi qeyd edib.

Onun opponenti, FHN-nin Tikintidə Təhlükəsliyə Nəzarət Dövlət Agentliyinin rəis müavini Elxan Əsədov qeyd edib ki, qeydiyyata alınmayan evlərin amnistiyası mümkün görünmür, çünki “nazirlik qeydiyyata alınan evlərin əhali üçün təhlükəsiz olmasına əmin olmalıdır”. --17D—