I rübdə АХА MBASKın mükafatları azalıb

АХА MBASK şirkəti I rübdə 3 mln 133,29 min manat mükafat yığıb. Bu, ötən ilin eyni dövründəkindən 18,5% azdır. 

Mükafatların üçdə biri avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə yığılıb - 1,18 mln manatİcbari növlər üzrə cəmi 1,24 mln manat toplanıb. 

Könüllü növlər üzrə 1,89 mln manat yığılıb. Daha çox mükafat avtomobillərin КАСКО sığortası üzrədir - 866,68 min manat. Bundan başqa, əmlakın yanğından və başqa risklərdən sığortası üzrə 530,84 min manat, KTS üzrə 158,41 min manat, bədbəxt hadisə və xəstəliklərdən sığorta üzrə 118,35 min manat, yük sığortası üzrə 100,94 min manat toplanıb. 

Daha çox ödəniş avtosığorta üzrədir – 921,94 min manat. İcbari növlər üzrə 472,95 min manat kompensasiya edilib. Məcmu ödənişlər (1,84 mln manat) ötən ilkindən 44,4% çoxdur. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. 7 dekabr 2010-cu ildə MBASK-ın lisenziyası adının AXA MBASK-a dəyişməsi ilə bağlı yenilənib.  

"MBASK"ın ölkədə 5 filial və təmsilçiliyi var.  Ötən ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. 

Ödənilmiş nizamnamə fondu 6,74 mln manatdır. --17D—