İcbari Sığorta Bürosu tam komplektləşib

  "Atəşgah Həyat Sığorta" İcbari Sığorta Bürosuna daxil olub. Bu barədə Büronun saytı məlumat verir.

İndi ISB üzvü kimi o, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növü üzrə xidmət göstərəcək. ISB-nin reyestrinə daxile dilən sığorta şirkətlərinin sayı 15-ə çatıb.

İSB-də Turan-a bildiriblər ki, üzvlük üçün Büroya 200 min, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növü üzrə depozit kimi 100 min manat ödəmək lazımdır.

Azərbaycanda “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” üzrə xidmət göstərən 3 şirkət var – “Atəşgah həyat Sığorta”, “Paşa həyat Sığorta” və “Qala həyat Sığorta”.

Ötən il bu növ üzrə mükafatlar 24 mln 885 min manat, ödənişlər 1 mln 457,36 min manat olub.

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var.  
  Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək.

Büronun daşınmaz əmlakın icbari sığortası və daşınmaz əmlak sahiblərinin məsuliyyətinin icbari sığortasına üzrə üzvləri üçün birdəfəlik depozit 100 min manat, avtonəqliyyat sahiblərinin mülki məsuliyyətinin icbari sığortası və sərnişinlərin icbari sığortasına üzrə birdəfəlik depozit 200 min manatdır. --17D—