İcbari sığorta bürosunun payına premiyaların 70%-i düşüb

icbari sığorta bürosu iştirakçıları tərəfindən yanvar-avqust aylarında yığılan premiyaların aşağı həddi 4,29 mln manat təşkil edir. Nazirin əmri ilə lisenziyası əvvəl dondurulan, sonra isə geri qaytarılan “Alfa Sigorta” məhz bu qədər toplayıb. O premiyalara görə rəqiblərindən təxminən iki dəfə geri qalır. 

Ümumilikdə isə Büro iştirakçıları bü dövr ərzində 211,89 mln manat toplayıb, bu da ümumi məbləğin (303,38 mln manat) üçdə ikisindən (69,84%) çoxdur. Bu premiyalara istehsalatda xəstəlik və bədbəxt hadisədən icbari sığortanı da əlavə edəndə görmək olur ki, yerli bazar demək olar bütövlükdə (KTS və KASKO-dan başqa) icbari sığortadan ibarətdir. 

Ödəmələrin nisbətində də daha böyük əyilmə var – bütün sığorta hallarına görə sığorta «elitası»nın müştəriləri 66,8 mln manat alıb (bütün ödəmələrin 75,45%-i). 

İcbari sığorta bürosu 2011-ci ilin dekabrın 16-da eyni adlı qanunun tələblərinə uyğun olaraq yaradılıb. Strukturun tərkibinə hələlik 28 şirkətdən ibarət sığorta bazarının 11 iştirakçısı daxildir. 

Büronun əsas funksiyası – kompensasiya ödəmələrinin həyata keçirilməsi və onun vasitəsilə bu kompensasiyaların ödənilməsi həyata keçiriləcək müəyyən maliyyə fondunun idarəedilməsidir. Kompensasiyalar Büro üzvü olan sığorta şirkətləri müflis olacağı təqdirdə icra ediləcək. 

Büronun maliyyə vəsaitləri daxil olma haqqı, hər icbari sığorta növünə görə zəmanət depoziti, həmçinin sığorta şirkətlərinin icbari növlərə görə hər ay Büroya köçürəcəyi ümumi premiyaların 5%-i hesabına formalaşır.  

«İcbari sığorta növləri haqqında» qanunun təsiri 4 icbari sığorta növünə aiddir. Bu AVSMMİS, daşınmaz əmlak sığortası, daşınmaz əmlakın istismarı zamanı vətəndaş məsuliyyətinin sığortalanması, sərnişinlərin sığortalanmasıdır. Bu zaman qanunun şərtlərinə əsasən, icbari sığortanın bu növlərinə görə xidmətləri ancaq Büro üzvü olan sığorta şirkətləri təqdim edə bilər. --17D—