İctimaiyyət şəhər və rayonların büdcəsindən xəbərdar olmaq istəyir

Regionlarda cəmiyyətin şəhər və rayonların büdcələrinin formalaşması və istiqamətləri barədə məlumatlılıq səviyyəsi çox aşağıdır. Əhali praktik olaraq büdcə prosesində iştiraka cəlb edilmir. Bu barədə bu gün Bakıda “Büdcə məktəbi” layihəsinin nəticələri haqda dəyirmi masada məlumat verilib. Layihə Bakı, Gəncə, Lənkəar və Şəkidə həyata keçirilib. 

Layihənin əlaqələndiricisi Qalib Abbaszadə məlumat verib ki, layihədə məqsəd dövlət əhalinin büdcəsinin tərkibi barədə məlumatlandırılması, vətəndaşlıq cəmiyyəti institutları ilə dövlət strukturlarının işgüzar münasibətlərinin yaradılması, korrupsiya ilə mübarizənin gücləndirilməsidir. Təlimlər Transparency-Azerbaijan-la əməkdaşlıq edən QHT təmsilçiləri ilə keçirilib. QHT-lər və maraqlı tərəflər (KİV, dövlət sektoru) arasında keçirilən sorğu göstərib ki, rəyi soruşulanların çoxu regional səviyyədə elementar büdcə məsələlərini bilmir. Məsələn, “Büdcə məktəbi”nin 80 iştirakçısından 29% hesab edir ki, dövlət büdcəsində şəhər və rayon büdcələri (xərclərin mütləq məbləği) olur.       

“Büdcə məktəbi” layihəsini «Milli Büdcə Qrupu» QHT Koalisiyası təşkil edib və ABŞ Dövlət Departamenti maliyyələşdirib. 

2012-ci ilin dövlət büdcəsinin xərclərinin 2,9%-i şəhər və rayonların büdcəsi olub. 2013-cü ildə bu göstərici 3,6%-ı çata bilər. Yerli büdcələrin gəlirlərinin 39%-i yerli mənbələr hesabına təmin edilir. Qalan xərclər dövlət büdcəsindən transfertlərdir. 08D