İİƏT-in korrupsiya ilə mübarizə üzrə ekspertləri Bakıdadır

İqtisadi İnkişaf və Əməkdaşlıq Təşkilatının (İİƏT) missiyası Bakıdadır. Səfərin məqsədi İstanbul Anti-korrupsiya Fəaliyyət Planın həyata keçirilməsi ilə əlaqədar Azərbaycana verilən tövsiyyələrin icrası vəziyyəti ilə bağlı 3-cü  raund monitorinqi çərçivəsində fikir və rəylərin öyrənilməsidir. 

Şərqi Avropa və Mərkəzi Asiya ölkələri üçün Korrupsiyaya Qarşı Mübarizə Şəbəkəsinin (OECD Anti-Corruption Network for Eastern Europe and Central Asia)  Maliyyə və Sahibkarlıq Direktorluğunun  layihələr üzrə meneceri xanım İnnese Qaykanın rəhbərliyi ilə nümayəndə heyətinə Ukrayna, Rumıniya, Qazaxıstan, Litva və Tacikistandan olan monitorinq ekspertləri daxildir, deyə “Konstitusiya Araşdırmaları Fondu”nda Turan-a bildiriblər. 

Yeddi gün çəkəcək səfər müddətində nümayəndə heyəti 10 mövzü ətrafında panel müzakirələr həyata keçirəcək, Azərbaycan hökümətə verilən tövsiyələr müzakirə olunacaq: anti-korrupsiya siyasəti və təsisatları, korrupsiya üzrə cinayət qanunvericiliyi, dövlət qulluğu, korrupsiya halları ilə bağlı ilkin istintaq, məhkəmə araşdırması və həlli, dövlət idarəçiliyində şəffaflıq və informasiya əldə olunması,  maliyyə nəzarəti, audit və s. Müzakirələrdə dövlət orqanları, korrupsiyaaya qarşı mübarizə sahəsində ixtisaslaşmış QHT-lərin Antikorrupsiya Şəbəkəsinin üzvləri və bir sıra QHT-lərin nümayəndələri, sahibkarlıq subyektləri və media təmsilçiləri iştirak edəcək. 08B