Heydər Əliyev Mərkəzində 2014-2018-ci illərdə regionların sosial-iqtisadi inkişafı üzrə Dövlət Proqramının həyata keçirilməsinin birinci ilinin yekunlarına həsr edilmiş konfrans keçirilib.
Mətbuat üçün bağlı olan tədbirdə Azərbaycan prezidenti İlham Əliyev iştirak edib. O, giriş və çıxış nitqləri ilə çıxış edib.
Daha sonra iqtisadiyyat və sənaye naziri Şahin Mustafayev, kənd təsərrüfatı naziri Heydər Əsədov, “Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə, “Azərsu” Açıq Səhmdar Cəmiyyətinin sədri Qorxmaz Hüseynov çıxış ediblər, xəbəri quru şəkildə AR prezidentinin saytı yayıb.
Turan-ın məlumatına görə, Azərbaycan prezidenti İlham Əliyev “2014-2018-ci illərdə Azərbaycan Respublikası regionlarının sosial-iqtisadi inkişafı üzrə Dövlət Proqramı”nı 27 fevral 2014-cü ildə imzalayıb.
Bu proqram sayca üçüncüdür və regionarın iqtisadi potensialının tamamilə səfərbər edilməsini nəzərdə tutur. Dövlət proqramında qeyri-neft resurslarının istehsalı proseslərinə, müasir tələblərə və ixrac potensialına cavab verəm qeyri-neft sənaye müəssisələrinin yaradılmasına, habelə innovasiyaların tətbiqinin genişləndirilməsinə xüsusi diqqət yetirilib.
Proqramda infrastruktur layihələrinin həyata keçirilməsi, o cümlədən kənd yollarının əsaslı təmiri və tikilməsi, su təchizatı və kanalizasiyanın yaxşılaşdırılması sahəsində layihələr, kəndlərdə çaylar boyunca sutəmizləyici qurğuların quraşdırılması, meliorasiya işlərinin həyata keçirilməsi, su anbarlarının tikintisinin davam etdirilməsi, əhalinin qaz və elektrik enerjisi ilə təchiz edilməsi sahəsində vəziyyətin yaxşılaşdırılması, alternativ enerji mənbələrindən geniş istifadə, kiçik həcmli su elektrik stansiyalarının tikintisi, müasir heyvandarlıq və süd təsərrüfatlarının yaradılması prioritet kimi göstərilir. -0-
İqtisadiyyat
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
-
Azərbaycan Dövlət Neft Şirkəti (SOCAR) yanvarın 15-dən etibarən "yaşıl" istiqrazların buraxılışına başlayacaq. Bu barədə SOCAR-ın rəsmi açıqlamasına istinadən Turan məlumat yayıb.
Rəy yaz