İlin sonu üçün Azərbaycanın strateji valyuta ehtiyatları $50 mlrd-ı keçə bilər, - deyə çərşənbə günü hökumətin iclasında Mərkəzi Bankın sədri Elman Rüstəmov bildirib.
Onun sözlərinə görə, strateji ehtiyatlar ÜDM-in 70%-ə çatır, bu isə ölkəyə bu göstərici üzrə dünyanın ilk 15 ölkəsi arasında olmaq imkanı verir. Doqquz ayda ehtiyatların idarə edilməsindən yarım milyarddan çox vəsait əldə olunub. Azərbaycanın valyuta ehtiyatları xarici dövlət borcundan 9 dəfə çoxdur. Xarici borc ÜDM-in 8 faizi qədərdir.
"Bu dövrdə bank aktivləri 11%, kreditləşmə 8%, bank sektorunun kapitalı 18% artıb. Milli ödəniş sistemi vasitəsilə ödəniş həcmi 16% artaraq 85 mlrd manata çatıb. Qiymətli kağızlar bazarı 34%, o cümlədən səhm bazarı 3,3 dəfə artıb", - deyə Rüstəmov bildirib.
Azərbaycanın strateji valyuta ehtiyatları Mərkəzi Bankın vəsaitləri, Neft Fondunun aktivləri və hökumətin depozitlərindən ibarətdir. Doqquz ayın sonunda ehtiyatlar $5 mlrd artaraq $45 mlrd-a çatıb. --15B--
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz