Ilin sonu üçün regionlarda genişzolaqlı internet olacaq

Genişzolaqlı internet regionlara gedir.

Infirpo Inc şirkəti bildirir ki.,bununla Aztelekom şirkəti məşğul olur. Layihənin məqsədi regionlarda əhalinin informasiya resurslarından istifadə imkanlarının genişləndirilməsi, xidmətin keyfiyyətinin yüksəldilməsi, elektron xidmətlərin göstərilməsi üçün infrastrukturun genişləndirilməsidir.
Layihə çərçivəsində Sumqayıt və Gəncə şəhərlərində, Abşeron, Zaqatala, Şəmkir, Xaçmaz, Göygöl, Ağdam, Bərdə, Tərtər rayonlarında, həmçinin, 47 şəhər və rayonda yeni nömrələr və port tutumunun quraşdırılması və istismara verilməsi nəzərdə tutulur. Rabitə və Yüksək Texnologiyalar Nazirliyi tərəfindən təsdiqlənən layihənin nəticəsində, regionlarda “Aztelekom” internet istifadəçilərinin sayının 60 faizdən çox artırılması üçün texniki imkanın yaradılması və servislərin həcminin artırılması mümkün olacaq.

“Infirpo Inc” şirkəti korporativ maliyyə məsləhətçisidir. 2015-ci ilin sonunadək xidmətlər tam istifadəyə verilməlidir. “Aztelekom” İB və “Infipro Inc”-in birgə uğurlu əməkdaşlığı nəticəsində layihəyə xarici investisiya və ucuz maliyyə axını təmin olunub.

"Aztelekom" İstehsalat Birliyi müştərilərə, rabitə operatorlarına və digər istifadəçilərə rabitə və informasiya texnologiyalarının müxtəlif xidmətlərini göstərir. Birlik öz tabeliyində 57 yerli Telekommunikasiya müəssisəsi, Beynəlxalq Avtomat Telefon Stansiyası, 5650 saylı obyekt və Kabel Magistralları Texniki Qovşağını birləşdirir.

Daha ətraflı məlumatı www.infipro.az saytına öyrənmək olar:

http://infipro.az/x%C9%99b%C9%99rl%C9%99r). --17D—