- İqtisadiyyat
- 2 Oktyabr 2012, 14:37
- 100
İlin sonunadək BFB marketmeyker təqdim edəcək
Bakı Fond Birjasının Müşahidə Şurası marketmeykerin fəaliyyət qaydalarını təsdiq edib. Birjada gözləyirlər ki, ilin sonuna kimi ilk marketmeyker peyda olacaq və fond bazarına yeni nəfəs verəcək.
Azərbaycanın fond birjası 2000-ci ildən fəaliyyət göstərir, amma hələ bazarın bütün iştirakçıları Qərb meyarları ilə formalaşmayıb, kotirovka, listinq, birja indeksi yoxdur.
Marketmeyker satışın təşkili üçün emitentlərin qiymətli kağızlarını əldə edib saxlayır. Marketmeykerlər birja və birjadankənar bazarda Birja ilə razılaşdırılmış qiymət dəhlizi çərçivəsində özü tərəfindən müəyyənləşdirilmiş qiymətlərlə öz vəsaitləri hesabına qiymətli kağızların alqı-satqısını həyata keçirir.
Qaydalarla yanaşı marketmeyker fəaliyyətinin funksionallığının təmin edilməsi üçün proqram təminatı yaradılıb.
Qaydalara əsasən, marketmeyker statusu birja üzvlərinə və ya birja üzvü ilə müvafiq qaydada müqavilə bağlamış hüquqi şəxslərə birjanın İdarə Heyətinin qərarı ilə birjada ticarətə buraxılan və ya ilkin yerləşdirməyə çıxarılmış qiymətli kağız üzrə verilə bilər. Status üçün müraciət edənlər müraciətindən əvvəlki üç il ərzində fəaliyyət göstərməli, son maliyyə ilinin nəticələri üzrə mənfəətə malik olmalıdır. Həmçinin market meykerlik etdiyi qiymətli kağızın emitentinin idarəetmə orqanının üzvü olmamalıdır. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz