Maliyyə Bazarlarına Nəzarət Palatasının Direktorlar Şurasının üzvü İlqar Muradov Azərbaycan Əmanətlərin Sığortalanması Fondunun (ADIF) Himayəçilik Şurasının sədri təyin edilib.
O, bu vəzifədə Unibank Müşahidə Şurasının sədri Eldar Qəribovu əvəvz edib. Qəribov yanvarda AGBank MŞ sədri olan Çingiz Əsədullayevi əvəz etmişdi.
İyulun 13-də Himayəçilik Şurasının tərkibində dəyişiklik edilmiş, yeni tərkib formalaşdırılmışdı: Maliyyə Nazirliyinin Maliyyə və sığorta bazarının tənzimlənməsi şöbəsinin müdiri Ziyəddin Allahverdiyev, İqtisadiyyat Nazirliyinin strateji planlaşdırma və proqnozlaşdırma şöbəsinin müdiri Yalçın Əzizov, "Azərbaycan Beynəlxalq Bankı" ASC-nin İdarə Heyətinin sədri Elmar Məmmədov Şuradakı yerini qoruyub saxlamışdı. ADIF 13 avqust 2007-ci ildə yaradılıb.—0--
İqtisadiyyat
-
2024-cü ilin dekabr ayında Azərbaycanda İstehlak Qiymətləri İndeksi (İQİ) ötən ilin eyni dövrü ilə müqayisədə 4,9% artıb, əsasən ərzaq və içkilərin qiymət artımı bu artıma səbəb olub. Dövlət Statistika Komitəsinin məlumatına görə, ümumi İQİ 104,9% təşkil edib, burada ərzaq məhsulları, içkilər və tütün üzrə 5,5%, qeyri-ərzaq məhsulları üzrə 2,4% və əhaliyə göstərilən pullu xidmətlər üzrə isə kəskin 6,3% artım qeydə alınıb.
-
2024-cü ildə Azərbaycan, Energetika Nazirliyinin açıqladığı ilkin məlumata əsasən, 29.1 milyon ton neft (kondensat daxil olmaqla) hasil edib ki, bu da 2023-cü ildəki 30.2 milyon tondan azdır.
-
Dövlət Statistika Komitəsinin məlumatına görə, Azərbaycanda 2024-cü ildə orta illik inflyasiya sabit olaraq 2.2% səviyyəsində qalıb. Bu, qlobal meyllərlə müqayisədə daha aşağı qiymət artımı dövrünü göstərir. Lakin sektorlardakı fərqliliklər daxili siyasət tədbirləri və xarici təsirləri əks etdirir.
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
Rəy yaz