Şərqdə deyirlər ki, "əsl nüfuzlü şəxs heç vaxt özü haqqında danışmaz, onun haqqında başqaları danışar". Bu gün həyatımda mühüm rol oynamış məhz belə bir nüfuzlu şəxsi xoş sözlərlə yad etmək istəyirəm.
1928-ci il iyulun 28-də Şamxor rayonunun Morul kəndində Azərbaycan xalqının dahi oğlu, Sibir neftini ilk kəşf edən məşhur Fərman Qurban oğlu Salmanov dünyaya gəlib. Mən onu "həyat müəllimi" hesab edirəm.
Tale belə gətirdi ki, həyatım boyunca bu əfsanəvi şəxsiyyətin yanında oldum. Təhsilimi də vaxtilə onun oxuduğu Neft Akademiyasında almışam. Sonra onun sayəsində Yəmənə işləməyə getdim. Mən Azərbaycan hökumətində işləməyə başladıqda isə biz, demək olar ki, hər gün YR (yüksəktezlikli rabitə) ilə onunla əlaqə saxlayırdıq və onun məsləhətləri mənə çox kömək edirdi.
Bu insan mənə çox şey öyrədib, amma ən əsası Azərbaycanı sevməyi öyrədib. Onun vəfatından artıq 9 il keçsə də, bu düşüncəyə heç cür öyrəşə bilmirəm, belə ki, mənim üçün Fərman Salmanov ikinci ata idi, onu uşaqlıqdan sevirdim və o, ömrüm boyu mənə öyüd verib və məsləhətləri ilə kömək edib. Kiçik oğluma da onun adını vermişəm. Mən hara da olsam da, onunla müntəzəm olaraq əlaqə saxlayırdıq, 2007-ci il martın 31-də o, vəfat edənə qədər. Və ən önəmlisi, biz onunla müstəsna olaraq Azərbaycan dilində danışırdıq. Bəxtim çox gətirmişdi, çünki o, mənə oğlu kimi yanaşırdı və uzun illər bu tarixi şəxsiyyətlə dostluq etmək xoşbəxtliyinə nail olmuşdum.
O, Azərbaycanı, onun dilini, mədəniyyətini ömrü boyu sevib. Bu gün onun yeri çox görünür. İşlədiyi bütün vəzifələrdə və nail olduğu statuslarda - ittifaq miqyaslı nazirlər kabinetindən Qəhrəman, akademik, İttifaq deputatı, Rusiya və Azərbaycan deputatı və s. qədər - bu şəxs təvazökarlığın özü idi.
Nə qədər məşğul olsa da, həmişə köklərini xatırlayırdı və harada işləsə də, Fərman Salmanov öz kiçik Vətəninə kömək edirdi. Tümenə, daha sonra Moskvaya onun yanına kömək üçün, məsləhət üçün minlərlə həmyerlisi gəlirdi və mən onun hər kəsə necə kömək etmək istədiyinin şahidiyəm. Onun sayəsində bu gün Sibirdə və xüsusən Tümendə minlərlə azərbaycanlı yaşayır. Salmanov kimiləri Tarixi yaradır, belə ki, yalnız onlar xalqımızın qürurudurlar.
Xüsusilə qeyd etmək lazımdır ki, bu gün Rusiyada həmyerlimizin xatirəsi yad olunur, bir çox küçələrə, prospektlərə, gəmilərə və təhsil müəssisələrinə onun adı verilib, abidələri qoyulub və bu, sevindirici haldır, çünki o, hazırda Rusiyanın həyatında böyük rol oynayan o nefti ilk kəşf edən şəxs olub.
Amma nədənsə doğma Azərbaycanımda bu gün rəsmi səviyyədə onun adını xatırlamırlar belə. Biz necə millətik? Nə vaxta qədər xalqımızın şüuruna qondarma "öndərlər"in və onların ölkənin şəhər və qəsəbələrinin, demək olar ki, bütün küçələrinə və prospektlərinə adları verilmiş, hər biri təbii "akademik" və öz sahələrində "böyük şəxsiyyət" olan qohum-əqrəbalarının təlqin olunmasına göz yumacağıq? Millətimizin özünü azərbaycanlı hesab edən hər kəsin qürur mənbəyi olan digər ləyaqətli nümayəndələri hanı?
Bir məşhur filosof deyib: "Şərəf xarici vicdandır, vicdan isə daxili şərəf". Məhz buna görə bu gün Fərman Salmanovu - bu əxlaq kateqoriyalarına dəyər verən və məhz buna görə mənim üçün xalqımın vicdanı və şərəfi olan və həmişə belə qalacaq əfsanəvi insanı yad etmək istədim.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz