İnvestisiya avadanlıqlarının idxalı üçün təsdiqedici sənədin verilməsi qaydası təsdiq edilib
Prezident İlham Əliyevin imzaladığı fərmanla “İnvestisiya təşviqi sənədini almış hüquqi şəxslərə və fərdi sahibkarlara texnikanın, texnoloji avadanlıqların və qurğuların idxalı üçün təsdiqedici sənədin verilməsi Qaydası” təsdiq edilib.
Həmin fərmanla təsdiqedici sənədin forması da təsdiq edilib (http://azertag.az/store/files/qayda.pdf).
Təsdiqedici sənəd investora siyahıda göstərilmiş texnika, texnoloji avadanlıqların və qurğuların ölkəyə idxalı zamanı Vergi Məcəlləsində və “Gömrük tarifi haqqında” qanunda nəzərdə tutulan güzəştlərdən istifadə hüququ verir. Bu, bir çox vergi və gömrük rüsumundan azad edilmək deməkdir.
Təsdiqedici sənədi almaq üçün investor İqtisadiyyat Nazirliyinə müraciət edir. Ərizəyə idxal edilən texnika və avadanlığın siyahısı, onların ABŞ dolları ilə qiyməti əlavə edilir. Sənəd 7 iş günü ərzində verilir. İqtisadiyyat Nazirliyi ərizəyə baxarkən onun investisiya layihəsinə uyğunluğunu yoxlayır. İqtisadiyyat Nazirliyi 3 gün ərzində təsdiqedici sənədin verilməsi barədə Vergilər Nazirliyi və Gömrük Komitəsinə məlumat verir. 08D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz