İpoteka Fondu AMB-nin tabeliyindən çıxır

İpoteka Fondu AMB-nin tabeliyindən çıxarılır və Açıq Səhmdar Cəmiyyəti statusu alır. Dövlət başçısı “Azərbaycan İpoteka Fondu” ASC-nin yaradılması haqqında fərman imzalayıb.

Fond ipoteka kreditləşməsi üçün yerli və xarici investisiyalar cəlb edəcək.

2005-2015-ci illər ərzində dövlət büdcəsindən İpoteka Fonduna ayrılmış vəsaitlər Cəmiyyətin nizamnamə kapitalına aid edilir.

Fərmanda Nazirlər Kabinetinə tapşırılır ki, çoxmənzilli binaların tikintisi üçün tikintiyə icazələrin verilməsi, həmin binaların istismarına icazə verilməsi, habelə yaşayış evlərinin tikintisi üçün məlumatlandırma icraatı prosedurlarının sadələşdirilməsi və sürətləndirilməsi ilə bağlı təkliflərini bir ay müddətində hazırlayıb Azərbaycan prezidentinə təqdim etsin. Həmin müddətə Müşahidə Şurasının tərkibi və nizamnaməsi, cəmiyyətin vəsaiti hesabına ipoteka kreditlərinin, o cümlədən güzəştli ipoteka kreditlərinin verilməsi qaydaları bir ay ərzində hazırlanmalıdır. Cəmiyyətin uzunmüddətli (beş ildən artıq) ipoteka istiqrazlarına dövlət zəmanətinin verilməsi şərtləri və mexanizmi, onların emissiyasının illik həcmi, güzəştli ipoteka kreditlərinin maliyyələşdirilməsinə yönəldilən hissəsi bir ay müddətində müəyyən edilməlidir. --17D—