İpoteka kreditləşməsi 4 dəfə artacaq

Azərbaycan hökuməti ipoteka kreditləşməsini genişləndirmək yolu ilə tikinti tempini saxlamaq istəyir.

Prezident İlham Əliyev hökumətin iclasında ilin sonuna kimi sosial və kommersiya ipotekası üçün 200 mln manat ayrılacağını bildirib. Demək, ipoteka kreditləşməsi 2015-ci ildə 4 dəfə artacaq. 2014-cü ildə ipoteka həcminin 50 mln manat olacağı gözlənilirdi. 

Əliyev yeni binaların, ilk növbədə tikilməkdə olan binaların ipoteka kreditləşməsini prioritet adlandırıb.

Hökumət vətəndaşların nəyə üstünlük verdiyi anlayıb. AMB-nin məlumatına görə, son ildə alqı-satqı 29% azalıb. Təkrar bazar  33,4% azalaraq 1326,727 mln manata düşüb. İlkin bazar 22,9% artaraq 186,295 mln manata çatıb. İpoteka Fondunun məlumatına görə, verilən kreditlərin 93%-i çoxmərtəbəli binalarda alışlarla bağlıdır.

Daşınmaz əmlak alınması devalvasiyadan sonra xeyli azalıb. Banklar ipoteka kreditləşməsini tamamilə dayandırıb, sonra 29 bankdan 12-i ilkin ödənişin həcmini iki dəfə artıraraq 40-50%%-ə, sosial ipteka üçün 30-40%-ə çatdırıb.

        İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir.

Güzəştli kreditlər 50 min manatadək, 30 ilə qədər müddətə, illik 4%-dək dərəcə ilə verilir.

2014-cü ildə AİF xətti ilə 2 min 240 vətəndaş, bu il yanvarın 1-dk cəmi 15 min 842 nəfər ipoteka kreditləri alıb. Sosial ipotekanın xüsusi çəkisi 22,2% və ya 3520-dir (ötən il 1135 kredit). İpoteka krediti alanların 37,9%-i 18-29 yaş arasında olanlardır (bütün kreditlərin 37,9%-i). Ardınca 30-35 yaş (33,1%) və 36 yaşdan yuxarı olanlar gəlir 29%. Borc alanların 32,8%-i dövlət sektorunda, 59,6%-i özəl qeyri-bank sektorunda, 23,8% maliyyə-bank sistemində, 13,8% neft-qaz sahəsində çalışır. Borc alanların 79,6%-i hərbi qulluqçulardır.

Əvvəllər maliyyə naziri Samir Şərifov ipoteka kreditləşməsinin artacağını anons etmişdi. «Hesab edirəm ki, AMB bazarın aktivləşməsi üçün əlavə vəsait verəcək, zərurət yaransa, hökumət əlavə dövlət zəmanəti verəcək»,  deyə o bildirib.

AMB İH sədri Elman Rüstəmov isə ipoteka kreditləməsinin artırılması, regionlarda ipoteka kreditləşməsinin genişləndirilməsi və s haqqında təkliflər paketi hazırlandığını bildirmişdi.—0—