İqtisadiyyat Nazirliyi emal sənayesinin problemlərini öyrənir

İqtisadiyyat Nazirliyi yerli istehsalı artırmaq üçün biznes dairələrlə diskussiyaları davam etdirir.

İqtisadiyyat Nazirliyinin ət və süd məhsulları, şərabçılıq istehsalı sahəsində fəaliyyət göstərən  istehsalçı müəssisələrin nümayəndələri ilə görüşündə bu məhsulların istehsal artımına mane olan əngəllər barədə müzakirələr aparılıb. Bu səylər ölkənin ayrı-ayrı məhsulların idxalından asılılığına azaltmağa yönəlib.

İqtisadiyyat Nazirliyində Turan-a bildiriblər ki, ət və süd məhsulları istehsalı sahəsində fəaliyyət göstərən 15 istehsalçı müəssisə nümayəndələri ilə görüşdə yerli məhsulların maya dəyərinə təsir edən əsas amillər – yem komponentləri, qablaşdırma və emal prosesində istifadə olunan materialların və istehsal təyinatlı avadanlıqların idxalına güzəştlərin tətbiq edilməsi, ölkədə yem istehsalı üçün əlavə əkinə yararlı torpaq sahələrinin dövriyyəyə cəlb edilməsi, yerli istehsalın dəstəklənməsinin gücləndirilməsi və s. barədə təkliflər səsləndirilib.

Şərabçılıq müəssisələri idxalı əvəz edən mallar istehsal edən müəssisələrin yaradılmasının stimullaşdırılmasına ehtiyac duyurlar.

Milli Məclis yanvarın 19-da Vergi Məcəlləsinə investorlara 7 il müddətinə vergi güzəşti verilməsini nəzərdə tutan əlavələr edib, bu, İqtisadiyyat Nazirliyi tərəfindən (investisiyaların təşviqi sənədi şəklində) təsdiq edilib. 08D