Dövlət əsas kapitala investisiyalarda liderliyi qoruyur: 8 ayda investisiyaların strukturunda dövlət büdcəsi və Neft Fondunun xüsusi çəkisi 50,5% olub, deyə Dövlət Statistika Komitəsində Turan-a bildiriblər.
İlin əvvəlindən tikinti sektoruna investisiyalar 10 378,8 mln manat olub. Bu, ötən ilin eyni dövründəkindən 22,7% çoxdur. İnvestisiyaların 37%-i özəl müəssisələrin payına düşür. İqtisadiyyata daxili investisiyalar 7 760 mln manatdır. Bu, ötən ilin eyni dövründəkindən 16.3% çoxdur. Daxili investisiyalarda qeyri- dövlət sektorunun payı 21,5%-dir.
Xarici mənbələrdən iqtisadiyyata 2,6 mlrd manat yönəldilib. Bunun əsas hissəsi Britaniya (971,3 mln manat), ABŞ (308.4 mln manat), Norveç (305 mln manat), Yaponiya (260 mln manat) və Çexiyanın (214,2 mln manat) payına düşür.
Ötən dövrdə hökumət Dünya Bankının 93,5 mln manat, Asiya İnkişaf Bankının 36,8 mln manat, İslam İnkişaf Bankının 7 770,6 min manat, Avropa Şurasının 2 153,1 min manat kreditindən istifadə edib. 08D
İqtisadiyyat
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
-
2024-cü ildə Transxəzər Beynəlxalq Nəqliyyat Dəhlizi (TITR) vasitəsilə daşınan yüklərin həcmi 62% artaraq 4,5 milyon tona çatıb, Qazaxıstanın Baş naziri Oljas Bektənov çərşənbə günü Gürcüstanın Baş naziri İrakli Kobaxidze ilə görüşündə bildirib. Bu barədə Qazaxıstan hökumətinin mətbuat xidməti məlumat yayıb.
Rəy yaz