İqtisadiyyatdan nə gözləməli?

Azərbaycan hökumətinin və Avropa Yenidənqurma və İnkişaf Bakının (AYİB) ilin sonuna qədər yerli ÜDM-in artımına dair proqnozları demək olar üst-üstə düşür. Bank 2% göstərir, hökumət 0,2% daha nikbindir. 

 Nəzərə alanda ki, ötən il iqtisadiyyatın ümumi artımı 0,1% təşktl edib, beynəlxalq maliyyə təşkilatı ilə hakimiyyətin icra qolunun ehtimalları arasında fərq az deyil. Yeri gəlmişkən, bu ilin iyul ayında bu bank 2,5% ehtimal olunan artım barədə danışıb. 

Hesabatda qeyd olunur ki, tempə neft hasilatının azalması təsir edir və bu da yerli iqtisadiyyatın tamamilə enerji resurslarından asılılığının növbəti təsdiqidir. Bu seqmentdə azalmanın qeyri-neft sektoru ilə kompensasiya edilməsi əhəmiyyətli dərəcədə deyil və dövlət büdcəsi hesabına investisiya layihələri hesabınadır. Hesabat müəlliflərinin fikrincə, iqtisadiyyatın diversifikasiya edilməsi daha da aktuallaşır, çünki neftdən yüksək asılılıqla bağlı olan risklər (dünya bazarında neftin qiymətinin azalması ilə bağlı) aydın görsənir. 

Regiondakı qonşularda ÜDM-in artım proqnozları daha yüksəkdir. Belə ki, 2012-ci ilin nəticələrinə görə Ermənistanda təxminən 5% göstəricisi götürüləcək, gələn il isə – 4%. Gürcüstanda bu il 6,5%, gələn il 5%. 

Hesablama metodikası fərqli olduğundan Beynəlxalq Valyuta Fondu (BVF) bu il Azərbaycan iqtisadiyyatının 3,9%, gələn il 2,7% artımını gözləyir. Dünya Bankının (DB) gözləntiləri müvafiq olaraq 3,1 və 3%-dir. Asiya İnkişaf Bankı 2012-ci ilə Azərbaycanda ÜDM-in 3%, 2013-cü ildə – 3,5% artımını proqnozlaşdırır. 

Hökumət yanvarın əvvəlinə 2,2%, gələn ildə – 5,3% iqtisadi artım gözləyir. --17D—