ISB 2 nəfərin ölümü, 1 nəfərin xəsarət almasına görə 11,5 min manat ödəyib

 İcbari Sığorta Bürosu yol-nəqliyyat hadisəsində 2 nəfərin ölümü, 1 nəfərin yaralanmasına görə 11,5 min manat ödəyib.

Birinci YNH Xəzər rayonu ərazisində  26 yanvar 2013-cü il tarixdə baş verib və 1 nəfər həlak olub. Mərhumun ailəsinə 5 min manat kompensasiya verilib.

İkinci YNH Bakı-Qazax-Gürcüstan sərhədi avtomobil yolunun Qaradağ rayonu ərazisində 21 iyun 2012-ci il tarixdə baş verib. Bu zaman 1 nəfər həlak olub, 1 nəfər xəsarət alıb. Mərhumun ailəsinə 5 min manat, xəsarət alana 1,5 min manat kompensasiya verilib.

"Kompensasiya ödənişi poçt vasitəsi ilə 08 iyul 2014-cü il tarixdə köçürülüb", - deyə məlumatda bildirilir.

ISB 2014-cü ilin I rübündə yol-nəqliyyat hadisələrində ölən və xəsarət alanlara 73,26 min manat ödəniş edib.

İcbari Sığorta Bürosu 16 dekabr 2011-ci ildə yaradılıb. Hazırda 15 üzvü var. Büronun təsisçisi olmaq üçün üzvlük haqqı 200 min manatdır.

Büro üzvlərinin birdəfəlik depozit həcmi fərqlidir. Daşınmaz əmlakın icbari sığortası və daşınmaz əmlak sahiblərinin məsuliyyətinin icbari sığortası üzrə birdəfəlik depozit 100 min manatdır. Avtonəqliyyat sahiblərinin mülki məsuliyyətinin icbari sığortası və sərnişinlərin icbari sığortası üzrə birdəfəlik depozit hərəyə 200 min manatdır. --17D—