ISB üzvləri avqustda AVSMMİS üzrə 70 min müqavilə bağlayıb

İcbari Sığorta Bürosunun üzvü olan sığorta şirkətləri bu ilin avqustunda avtonəqliyyat vasitələri sahiblərinin mülki məsuliyyətinin icbari sığortası (AVSMMİS) üzrə 68,5 min müqavilə üzrə 5,1 mln mükafat yığıblar. 

Büronun press-relizində deyilir ki, müqavilələrin çoxu (45,2 min) yerli avtomobillər, qalan 23,3 mini Azərbaycandan tranzitlə keçən maşınlar (sığorta müqaviləsi 1 ay və 1 illikdir) üzrədir. 

Ötən ilin avqustu ilə müqayisədə müqavilə sayı 5,4%, mükafat məbləği 15,1% azalıb. Bir müqavilə üzrə orta mükafat həcmi 75 manatdır. 

Yanvarın 1-dən sentyabrın 1-dək bu növ üzrə 43 mln manat toplanıb. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. 

Avtobuslar, mikroavtobuslar və onların   bazasında istehsal edilmiş digər avtonəqliyyat vasitələri – sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır.

Yük avtomobiləri üçün əmsal 3-5 arasıdır. 

Motosikl, traktor və başqa kənd təsərrüfatı texnikası üçün əmsal minimaldır. 

AVSMMİS üzrə sığorta haqqı müəyyən ediləndə də bonus-malus nəzərdə tutulub. Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. --17D—