İşğaldan azad edilmiş ərazilərdə fəaliyyətin şəffaflıq səviyyəsiarzuolunan deyil - ekspert

Bakı/28.04.22/Turan: İqtisadçı ekspert Qubad İbadoğlu bu gün Azərbaycan KİV nümayəndələrinə hökumətin işğaldan azad edilmiş ərazilərdə infrastrukturun qurulması və bərpası, kənd təsərrüfatı torpaqlarının əkin dövriyyəsinə cəlb edilməsi, minalardan təmizlənmə, məcburi köçkünlərin daimi yaşayış yerlərinə qaytarılması sahəsində öz təhlilinin nəticələri ilə bağlı məlumat verib.

Ekspertin sözlərinə görə, İkinci Qarabağ müharibəsi başa çatdıqdan sonra bu ərazilərdə xeyli iş görülüb, bir neçə milyard manat vəsait ayrılıb və istifadə olunub. Avtomobil və dəmir yollarının, hava limanlarının, sənaye parklarının, sosial infrastruktur obyektlərinin tikintisi, regionun elektrikləşdirilməsi istiqamətində işlər davam etdirilir. Bununla belə, işğaldan azad edilmiş ərazilərdə fəaliyyətin şəffaflıq səviyyəsi çox da arzuolunan deyil. O qeyd edib ki, qəbul edilən qərarlar və onların icrası barədə ictimaiyyətin məlumatlandırılması hökumətin şəffaflığı və hesabatlılığı tələblərinə cavab vermir.

Ekspert bildirib ki, əksər tikinti-bərpa işləri üçün podratçıların seçimi rəqabətli satınalmalar olmadan həyata keçirilir. Kənd təsərrüfatı torpaqları icarəçilərinin seçilməsi mexanizmi Kənd Təsərrüfatı Nazirliyinə on minlərlə hektar ərazini müsabiqəsiz oliqarxlara məxsus şirkətlərin istifadəsinə verməyə imkan verir. Şəhərsalma işləri qanunvericiliyəuyğun deyil: bir neçə yaşayış məntəqəsinin birləşdirilməsi ilə bağlı qərarlar hazırda məcburi köçkün olan sakinlərin rəyi nəzərə alınmadan qəbul edilir.

Ümumiyyətlə, Qubad İbadoğlunun sözlərinə görə, proses ləng davam edir. İndiyədək 800 minə yaxın məcburi köçkün heç biri vətənə qayıtmayıb.--08C--