İstanbulda Star NEZ üzrə kredit sazişi imzalanıb

Bu gün İstanbulda SOCAR və 23 maliyyə institutu arasında ümumi məbləği $3,29 mlrd. həcmində kredit sazişinin imzalanması mərasimi keçirilib. Saziş İzmirdə yeni Star NEZ-in S inşası çərçivəsində imzalanıb.

SOCAR Turkey Energy-nin (SOCAR-ın “törəməsi”) məlumatında deyilir ki, imzalanma mərasimində Türkiyə tərəfdən energetika naziri Taner Yıldız, elm, sənaye naziri Fikri İşık, Azərbaycan tərəfdən energetika naziri Natiq Əliyev, iqtisadiyyat və sənaye naziri Şahin Mustafayev,    SOCAR rəhbəri Rövnəq Abdullayev, Azərbaycan Dövlət Neft Fondunun direktoru Şahmar Mövsümov, Petkim neft-kimya kompleksinin rəhbəri, SOCAR-ın İnvestisiyalar İdarəsinin rəisi Vaqif Əliyev, SOCAR-ın vitse-prezidenti Süleyman Qasımov və   SOCAR Turkey Energy-nin prezidenti  Kənan Yavuz iştirak ediblər.

Qeyd edək ki, kredit paketinin ümumi həcmindən $2,69 mlrd. 18 il müddətinə (4 il güzəştli dövr olmaqla), qalan $600 mln. isə 15 il müddətinə (4 il güzəştli dövr olmaqla) ayrılıb. Kredit paketi ixrac-idxal banklarının (İspaniya, İtaliya, Yaponiya, ABŞ və Cənubi Koreya) və 16 ticarət-investisiya bankının vəsaitlərindən formalaşıb. –12D-