Bu ilin 5 ayında Azərbaycanda istehsal olunan qara metal və ondan hazırlanan məmumatın ixracı əvvəlki ilə nəzərən 14,4 dəfə artıb. Təhlil isə göstərir ki, yerli qara metallurgiya ilin əvvəlindən əsasən ixracata işləyir.
Dövlət Gömrük Komitəsinin məlumatına görə, beş ayda Azərbaycandan xaricə 114,5 min ton qara metal və ondan hazırlanan məmumat göndərilib. Daha təfərrüatlı 3 aylıq ixrac göstəricilərindən isə məlum olur ki, Azərbaycandan əsasən polad yarımfabrikatı ixrac olunur və məhsulun alıcısı İrandır.
Maraqlıdır ki, ixrac həcminin 14,4 dəfə artımı qarşılığında dəyər ifadəsilə qazanc ($39,2 mln.) cəmi dörd dəfə artıb. Bir ton qara metal 342,5 ABŞ dollarına ixrac olunub. Ötən il isə qara metal bundan 3 dəfə baha qiymətə - $1227 satılırdı.
Dövlət Statistika Komitəsinin 5 aylıq hesabatına görə, ölkədə 140,6 min ton qara metal əridilib və istehsal 23,3 faiz artıb. Bunun 87,4 min tonu tikinti armaturunun istehsalı üçün istifadə olunub. Armatur istehsalına tələbat tikintinin geriləməsi nəticəsində 30 fazi azalıb. Türkmənistana polad boru ixracı sayəsində istehsal (27,4 min ton) 2,12 dəfə artıb. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz