“Azəristiliktəchizat” ASC 2015-ci il üçün maliyyə hesabatını qismən açıqlayıb. Sənədə əsasən, şirkətin təsərrüfat fəaliyyətindən illik ziyanı 11 mln 860 min manat olub.
2015-ci il nəzərə alınmaqla şirkətin ziyanı 96,4 mln manata çatıb. Auditor yoxlaması (“Premium Audit” MMC) müəyyən edib ki, maliyyə hesabatı düzgündür və milli mühasibat standartına uyğundur.
Maliyyə hesabatında istehlakçıların istilik təchizatı üzrə təsərrüfat fəaliyyəti barədə informasiya açıqlanmır. Qanunvericiliyə zidd olaraq, şirkətin korporativ saytında da bu informasiya yoxdur.
İstehlakçıların xidmətə görə ödəmədiyi borc 2015-ci ildə 708 min artaraq 2016-cı il yanvarın əvvəli üçün 13,5 mln manata çatıb.
Maliyyə çətinliyi üzündən “Azəristiliktəchizat” ASC-nin 2016-cı il yanvarın 1-i üçün vergi və başqa icbari ödənişlər üzrə 1,7 mln manat borcu var. Bundan başqa, şirkətin su, elektrik, qaz təchizatı üzrə 71,4 mln manat qısamüddətli borcu var.
2005-ci ildən “Azəristiliktəchizat” ASC-nin inkişafına dövlət investisiyaları 195,7 mln manata çatıb.
2011-2015-ci illərdə dövlət büdcəsindən şirkətə 104,8 mln manat ayrılıb. 2016-cı ildə dövlət büdcəsindən “Azəristiliktəchizat” ASC-yə 18 mln manat ayrılması proqnozlaşdırılıb.
İstilik təchizatı tarifləri Tarif Şurası tərəfindən tənzimlənir. Əhali qrupuu üçün 1 kv m matr yaşayış sahəsinə görə ödəniş 0,15 manat, digər istehlakçılar üçün qızdırılan 1 kubmetr üçün 0,25 manatdır. Tariflərə sonuncu dəfə 2011-ci ilin noyabrında baxılıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz