Rusiya «Türk axını»nı bərpa etməyə hazırdır

Rusiya Avropaya zəruri qaz ixracını təmin etməyə hazırdır, o cümlədən “Türk axını” ilə, bu sözləri TASS agentliyi energetika naziri Aleksandr Novakdan sitat gətirir.

“Cənub-Şərqi Avropanın əlavə qaz nəqlinə, etibarlı enerji təchizatına ehtiyacı var. Rusiya bu mənada zəruri miqdarda qaz ixrac etməyə hazırdır, bizim resurslarımız var, rəqabətədavamlıyıq. Buna görə Avropa istehlakçılarının Qara Dənizdən, Qara Dənizə bitişik ölkələrdən Avropaya gedən infrastrukturun inkişafına müvaqif marağı olarsa, biz, şübhəsiz ki, bütün ixracları təmin edəcəyik, əməkdaşlıq edəcəyik”, deyə o, “Türk axını” layihəsinin perspektivləri haqqında suala cavabda bildirib.

Xatırladaq ki, bir müddət əvvəl Türkiyə Avropa İttifaqının dəstəyi ilə bu layihədən imtina edib. Təyyarənin vurulması insidentindən sonra layihə tamamilə “dəfn olundu”. Rusiya ilkin olaraq “Türk axını” layihəsi ilə Avropaya 60 mlrd. kubmetrə yaxın qaz ixrac etməyi planlaşdırırdı.

Novakın bəyanatı Moskva və Ankaranın münasibətləri bərpa etmək istəyini bəyan etdikləri zaman səslənib. -02D-