İyunun 13-də Romada iqtisadi əməkdaşlıq üzrə İtaliya-Azərbaycan hökumətlərarası komissiyanın 4-cü iclası keçirilib.
İtaliyanın iqtisadi inkişaf naziri Paolo Centiloni öz çıxışında qeyd edib ki, Transadriatik qaz kəməri İtaliya üçün strateji əhəmiyyət daşıyır və 2020-ci ilədək kəmərlə qaz nəqlinə başlanılması gözlənilir.
Onun sözlərinə görə, ötən il qarşılıqlı əmtəə dövriyyəsi 5 mrd. avro təşkil edib və artmaqda davam edir.
Centiloni deyib ki, iqtisadi əməkdaşlıq yalnız enerji sektoru ilə məhdudlaşmamalıdır. Müxtəlif sahələrdə əməkdaşlığın inkişafı üçün geniş imkanlar var.
Nazir həmçinin qeyd edib ki, İtaliya Ermənistan-Azərbaycan münaqişəsinin nizamlanması üçün ATƏT sədri kimi Almaniyanın səylərini dəstəkləyir. O vurğulayıb ki, 2018-ci ildə İtaliya ATƏT-ə sədr ölkə seçilərsə münaqişənin həlli üçün bütün səylərini göstərəcək.-02D-
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz