Fevralın 11-də Azərbaycan Dövlət Neft Şirkəti (SOCAR) və İtaliyanın “Kinetics Technology S.p.A” şirkəti arasında Heydər Əliyev adına Neft Emalı Zavodunun yenidən qurulması layihəsi üzrə müqavilə imzalanıb.
SOCAR-ın mətbuat xidmətinin məlumatına görə, imzalanma mərasimində SOCAR prezidenti Rövnəq Abdullayev və şirkətin rəsmi nümayəndələri, “Maire Technimont Group” şirkətinin vitse-prezidenti, eyni zamanda “Kinetics Technology S.p.A”nın İdarə Heyətinin sədri və prezidenti Canni Bardatsi (Gianni Bardazzi), İtaliyanın Azərbaycandakı səfiri Campaolo Kutilyo (Giampaolo Cutillo) və digər şəxslər iştirak edib.
R.Abdullayev bildirib ki, H.Əliyev adına NEZ-in yenidən qurulması layihəsi hazırda şirkətin həyata keçirdiyi ən vacib layihələrdən biridir.
“Həyata keçiriləcək yenidənqurma işləri nəticəsində mövcud texnoloji qurğuların modernləşdirilməsi və bəzi yeni qurğuların inşası nəzərdə tutulur. Layihə üzrə qısa müddət ərzində zavodun illik emal gücünün 6 mln. tondan 7,5 mln. tona artırılması, katalitik krekinq qurğusunun gücünün 2 mln. tondan 2,5 mln. tona yüksəldilməsi, bir neçə yeni qurğunun tikilərək istismara verilməsi və zavodda “Euro-5” standartlarına cavab verən daha keyfiyyətli neft emalı məhsularının istehsalının təşkili nəzərdə tutulur. Zavodun yenidən qurulması planına kükürdün alınması üzrə yeni bir qurğunun inşası da daxildir. Bu məqsədlə kükürdün alınması texnologiyası üzrə dünyanın qabaqcıl şirkətlərdən biri olan “Kinetics Technology S.p.A” şirkəti lisenziar olaraq seçilib”, deyə o qeyd edib.
Daha sonra tərəflər arasında müqavilə imzalanıb. Sənədi SOCAR tərəfdən H.Əliyev adına NEZ-in direktoru Elman İsmayılov, qarşı tərəfdən isə “Kinetics Technology S.p.A” şirkətinin biznesin inkişafı üzrə meneceri Mikele Kolotsi (Michele Colozzi) imzalayıb.
İmzalanma mərasimində qeyd olunub ki, SOCAR bu zavodun yenidən qurulması məqsədi ilə Avstriyanın “Poerner”, Fransanın “Axens”, İngiltərənin UOP şirkətləri ilə də müqavilə imzalayıb. -03D-
İqtisadiyyat
-
2024-cü ilin dekabr ayında Azərbaycanda İstehlak Qiymətləri İndeksi (İQİ) ötən ilin eyni dövrü ilə müqayisədə 4,9% artıb, əsasən ərzaq və içkilərin qiymət artımı bu artıma səbəb olub. Dövlət Statistika Komitəsinin məlumatına görə, ümumi İQİ 104,9% təşkil edib, burada ərzaq məhsulları, içkilər və tütün üzrə 5,5%, qeyri-ərzaq məhsulları üzrə 2,4% və əhaliyə göstərilən pullu xidmətlər üzrə isə kəskin 6,3% artım qeydə alınıb.
-
2024-cü ildə Azərbaycan, Energetika Nazirliyinin açıqladığı ilkin məlumata əsasən, 29.1 milyon ton neft (kondensat daxil olmaqla) hasil edib ki, bu da 2023-cü ildəki 30.2 milyon tondan azdır.
-
Dövlət Statistika Komitəsinin məlumatına görə, Azərbaycanda 2024-cü ildə orta illik inflyasiya sabit olaraq 2.2% səviyyəsində qalıb. Bu, qlobal meyllərlə müqayisədə daha aşağı qiymət artımı dövrünü göstərir. Lakin sektorlardakı fərqliliklər daxili siyasət tədbirləri və xarici təsirləri əks etdirir.
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
Rəy yaz