İvanişvili: Gürcüstanda elektrik enerjisi tarifləri əhalinin 90%-i üçün ucuzlaşacaq

Ayda 300 kVt/s elektrik enerjisi işlədən əhali üçün -  "bu isə əhalinin 90%-dir", elektrik enerjisi tarifləri ucuzlaşacaq. Bu barədə Gürcüstanın baş naziri Bidzina İvanişvili bildirib, deyə "Novosti-Qruziya" yazır.

"Ayda 100 kVt/s elektrik enerjisi istifadə edən qrup üçün ödəniş haqqı 27%, 300 kVt/s-dan az istifadə edənlər üçün 21,5% ucuzlaşacaq", - deyə İvanişvili bildirib.

Hazırda Gürcüstanda dərəcələrə ayrılmış elektrik enerjisi tarifləri qüvvədədir. O, rayondan və ayda istifadə edilən kVt/s-dan asılıdır. Tbilisidə 1 kVt/s 1 -100 kVt/s istifadə edənlər üçün 13,48 tetri ($0,081), 101-300 kVt/s üçün 16 tetri  ($0,096), 301 kVt/s və çox üçün 17,697 tetridir ($0,11).

"Biz qaz tarifinin ucuzlaşdırılmasını da müzakirə edirik. Əlavə məlumatı yaxın vaxtlarda verəcəyik", - deyə baş nazir bildirib. --0—

 

Rəy yaz

İqtisadiyyat

Bizi sosial şəbəkələrdə izləyin

Xəbər lenti