İyun ayinda inşaat materiallarinin qiyməti 0,5% artib

İnşaat materialları bazarında aparılmış monitorinqin nəticələrinə görə, iyun ayında qiymətlər orta hesabla-0,5% artıb. Aparılan araşdırmalar zamanı məlum olub ki, mövsümlə əlaqədar olaraq bazarda nisbi canlanma müşahidə edilmişdir. Son bir ayda qiyməti qalxan inşaat materiallarına dam örtükləri-1%, şüşə-2,4%, mismar-2,7%, taxta-4,7%, ağac əsaslı lövhələr-1% və alçipanı-1,7% aid etmək olar.

Ekspertlər iyun ayında qiymətlərin bahalaşmasını əsasən mövsümlə əlaqədar olaraq tikinti sektorunda aktivliyin artması və eləcədə Rusiyadan idxal olunan məhsulların bahalaşması ilə əlaqələndirirlər. İnşaat materialları bazarında çalışan sahibkarlardan biri qiymətlərin bahalaşması ilə əlaqədar öz fikrini belə ifadə etdi, “ Son bir ayda inşaat materilları bazarında qiymətlərinin qalxmasına idxal olunan məhsulların bahalaşması ilə yanaşı, gömrükdə qoyulan qeyri qanunu ödənişlər də təsir göstərib”. Mütəxəssislər mövsümlə əlaqədar bazardakı aktivliyin hələ bir müddət də davam edəcəyini və canlanma ilə əlaqədar olaraq yaxın aylarda inşaat materiallarının bir qədər də bahalaşacağı istisna edilmir.