- İqtisadiyyat
- 11 İyul 2012, 17:33
- 91
MSŞA Koalisiyası həyəcan təbili çalır
Azərbaycan İctimai Birliklərinin “Mədən sənayesində şəffaflığının artırılması” (MSŞA) Koalisiyası Azərbaycanda MSŞT sahəsində mövcud olan problemlər barədə bəyanatla çıxış edib. Bəyanatda deyilir:
“Azərbaycanda MSŞT-nin tətbiqi prosesində müşahidə olunan durğunluq MSŞA Koalisiyasını yenidən narahat etməyə başlayıb. Baxmayaraq ki, tərəflər arasında dialoq mövcuddur, lakin müzakirələrin uzun sürməsi, qərarların qəbulundakı təxirəsalınmalar son nəticədə Azərbaycanda MSŞT tətbiqində keyfiyyət dəyişikliklərini arxa plana keçirib və bu prosesi imitasiyaya çevirib. Belə ki, uzunmüddətli müzakirələrə baxmayaraq, MSŞT tətbiqini tənzimləyən tərəflər arasında anlaşma memorandumunun yenilənməsində irəliləyiş yoxdur. Məlumat üçün bildirək ki, bu sənəd 2004-cü ildə imzalanıb, 2010-cu ildə Çoxtərəfli Qrup yaradılandan sonra Memorandumda yeniləşmə zərurətə çevrilib.
Digər diqqəti cəlb edən məsələ Çoxtərəfli Qrupun Hasilatın Pay Bölgüsü sazişlərinin açıqlanması və onların hamısının eiti.az veb səhifəsində yerləşdirilməsi ilə bağlı qərarın qəbulundan 1 ildən çox vaxt keçirilməsinə baxmayaraq bu iş hələ də icra olunmur.
Bunlardan əlavə, MSŞA Koalisiyası Azərbaycanda MSŞT tətbiqində mövcud olan aşağıdakı problemləri diqqəti çatdırır və maraqlı tərəflərdən onların həllinə dəstək istəyir.
Hesabat verən şirkətlərin audit yoxlamalarından keçməməsi.
Yeni qaydalarda tələb olunmasına baxmayaraq, hələ də MSŞT hesabatlarını verən şirkətlər tam audit yoxlamasından keçmir. Bu isə onların açıqladığı məlumatların əminlilik dərəcəsini aşağı olduğunu göstərir. MSŞA Koalisiyası MSŞT hesabatı verən şirkətlərin yeni qaydaların tələblərinə uyğun olaraq, öz fəaliyyətlərini tam audit yoxlamasından keçirilməsini tələb edir.
Hesabat verən dövlət orqanlarının auditor yoxlamalarından keçməməsi.
Yeni qaydalarda tələb olunmasına baxmayaraq, hələ də MSŞT hesabatlarını verən dövlət orqanları tam audit yoxlamasından keçmir. Bu da onların açıqladığı məlumatların əminlilik dərəcəsini aşağı olduğunu göstərir. MSŞA Koalisiyası bu sahədə də Çoxtərəli Qrupdan təxirəsalınmaz qəbullar tələb edir.
Nəhayət, MSŞA Koalisiyası ümid edir ki, şirkətlər fərdi hesabatlılığa keçidlə bağlı müzakirələrinin tezliklə müsbət qərarla yekunlaşdırıb, Azərbaycanda da digər MSŞT ölkələrində olduğu kimi fərdi hesabatlarını açıqlayacaqlar.
MSŞA Koalisiyası Azərbaycanda MSŞT-nin tətbiqində mövcud olan problemləri bir daha yerli və beynəlxalq ictimaiyyətin diqqətinə təqdim edir və onlardan dəstək istəyir. Eyni zamanda, Azərbaycandakı tərəfdaşlarını vətəndaş cəmiyyətinin qaldırıldığı problemləri bir daha müzakirə etməyə və təxirə salmadan həll etməyə çağırır”. -0-
-
- İqtisadiyyat
- 11 İyul 2012 17:16
-
- Cəmiyyət
- 11 İyul 2012 17:50
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz