Azərbaycan sığortaçıları noyabrın 1-i üçün avtomobillərin КАСКО sığortası üzrə 24,7 mln manat (ötən ilin eyni dövrü ilə müqayisədə mənfi 22,1%) sığorta haqqı toplayıb.
Azərbaycan Sığortaçılar Assosiasiyasının mətbuat katibi Vəfa Rüstəmova bildirib ki, Azərbaycan Sığortaçılar Assosiasiyası noyabrın 20-də KASKO tariflərinin hesablanması məsələsinin müzakirəsi məqsədilə sığorta şirkətlərinin nümayəndələri ilə növbəti görüş keçirəcək.
Tədbirdə zərərlilikdən asılı olaraq sığorta tariflərinin hesablanmasına keçid məsələsi müzakirə olunacaq. Bu gün bazarda rəqabətə davamlı olmaq, müştəri cəlb etmək üçün sığorta şirkətinin tarifləri aşağı salması halları müşahidə olunur. Bundan başqa, ötən il bu növdə azalma avtomobil kreditlərinin azalması ilə bağlı idi. Bu il ölkədə avtombil satışının azalmasından doğur. Mükafatlarla yanaşı sığorta ödənişləri də azalaraq 20,3 mln manat (mənfi 13,7%) təşkil edib. Səbəb müqavilə sayının azalmasıdır.
Artıq neçənci ildir ki, bir vaxtlar populyar olan КАСКО başqa növlərin təzyiqinə davam gətirmir. Ötən il bu növ üzrə sığorta haqları 2013-cü ildəkindən üçdə bir az idi. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz