Keçmiş maliyyə naziri (1994-1999-cu illər) Fikrət Yusifov “Ekonomiks” Beynəlxalq İqtisadi Araşdırmalar Birliyi yaradıb. Yeni QHT-nin məqsədi mövcud nöqsanları aradan qaldırmaq üçün təkliflər hazırlamaqdır. Birlik sosial-iqtisadi və başqa təmayüllü QHT-lərə total hücumlar şəraitində yaradılıb.
«Dünyanın ağır maliyyə böhranı keçirdiyi dövrdə Azərbaycan bütün sahələrdə iqtisadi sıçrayış əldə edib. Amma nöqsanlar da var. Təşkilatımızın məqsədi onların tez və ağrısız aradan qaldırılması üçün addımlar atmaqdır», deyə Yusifov bildirib. Amma nöqsan deyəndə nəyi nəzərdə tutduğunu açıqlamayıb.
Sabiq nazir ARDNF-nin vəsaitlərindən dövlət investisiya layihələri üçün istifadə edilməsini düzgün addım sayır. Dünyada neftin ucuzlaşmasının siyasi motivli olduğunu düşünür. Onun fikrincə, dövlət büdcəsində neftin 1 barrelinin 90 dollardan hesablanması doğru qərardır. «Böyük valyuta ehtiyatları olduğu halda gəlir və xərclər hissəsi niyə ixtisar edilməlidir?», deyə Yusifov bildirib.
“Ekonomiks”in ilk layihəsi debat formasında KİV-lə əməkdaşlıq olacaq.
Yeni QHT-nin donorları ayrı-ayrı şəxslərdir.
Yusifov vəzifədən çıxarılandan sonra Rusiyanın Sankt-Peterburq şəhərində elmi-pedaqoji fəaliyyətlə məşğul olub. 2001-ci ildə doktorluq dissertasiyası müdafiə edib, 2013-cü ilə kimi maliyyə kafedrasında professor olub.
“Ekonomiks” Ədliyyə Nazirliyində 31 oktyabr 2014-cü ildə qeydiyyata alınıb. 08C
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz