2014-cü ildə Azərbaycanda kənd təsərrüfatı məhsullarının həcmi faktiki qiymətlərdə 5 mlrd. 225,8 mln. manat təşkil edib. Müqayisə olunan qiymətlərdə kənd təsərrüfatı malları 2,6% azalıb ki, bu da bitkiçilik sahəsində göstəricilərin pisləşməsinin nəticəsidir. Bu barədə Turan-a Dövlət Statistika Komitəsindən bildirilib.
Ötən il dövlət dəstəyinə baxmayaraq, əkinçilik məhsulları 8,3% azalıb. Mütəxəssislər bu tendensiyanı təkcə əlverişsiz hava şəraiti ilə deyil, həm də məhsuldarlığın azalması səbəbindən təsərrüfatların rentabelliyinin aşağı olması ilə əlaqələndirirlər.
Bunun nəticəsində ötən il ümumi bitkiçilik məhsulları yerini heyvandarlığa verib. Uzun illər ərzində ilk dəfə olaraq kənd təsərrüfatı istehsalında heyvandarlığın xüsusi çəkisi 53,1%, bitkiçilik 46,9% təşkil edib.
İl ərzində 2 mln. 383,3 min ton dənli və paxlalı bitkilər istehsal edilib ki, bu da 2013-cü ildə olduğundan 12,7% azdır. 1 mln. 449,1 min ton buğda yığılıb. Əkin sahələrinin və məhsuldarlığın azalması səbəbindən ötən il Azərbaycanda buğda yığımı 444 min ton azalıb.
Ötən il yalnız qarpız və yemiş istehsalı üzrə artım qeydə alınıb (441 min ton, +2,6%). Digər kənd təsərrüfatı bitkiləri üzrə il uğurlu olmayıb.
Bostanlardan 1 mln. 187,7 min ton tərəvəz yığılıb (-3,9%). Meyvə bağları 850 min ton məhsul verib ki, bu da 2013-cü ilin göstəricisindən 0,5% azdır.
Kartof istehsalı da kəskin azalıb. Əgər 2013-cü ildə 992,8 min ton kartof yığılıbsa ötən il bu göstərici 173,5 min ton aşağı düşüb.
Aşağı məhsuldarlıq (82,8s/ha) üzüm istehsalının da azalmasına səbəb olub (147,7 min ton, - 0,6%).
Heyvandarlar ili uğurla başa vurublar. Ət istehsalı diri çəkidə (505,5 min ton) 1,7% artıb, süd (1 mln. 855,6 min ton) – 3,3%, yumurta (1 mlrd. 562,7 mln. ədəd) – 11,5% artıb.
Ötən il kənd təsərrüfatı bitkiləri istehsalçılarına verilən subsidiyaların həcmi 125 mln. manatdan az olmayıb. Bundan əlavə, “Aqrolizinq” ASC bildirib ki, qurum fermerlerə aşağı qiymətlərlə aqrotexniki xidmət göstərir. Xaricdən alınan damazlıq heyvanlar, mineral gübrələr fermerlərə və kənd təsərrüfatı müəssisələrinə 50% dəyərində satılır.08B
İqtisadiyyat
-
Azərbaycanın Dövlət Neft Şirkəti (SOCAR) gələcəkdə Pakistan şirkəti ilə iri müqavilə imzalamağa hazırlaşır. Bu, iki ölkə arasında ticarət-iqtisadi əməkdaşlığın güclənməsinin göstəricisi olacaq.
-
Azərbaycanın energetika naziri Pərviz Şahbazov may ayında Nazirlər Kabineti tərəfindən təsdiqlənmiş “Elektrik enerjisi bazarı elementlərinin mərhələli tətbiqi ilə bağlı Tədbirlər Planı” nın icrasını həyata keçirmək üçün yaradılmış Koordinasiya Şurasının ilk iclasına sədrlik edib.
-
Azərbaycanın Nazirlər Kabineti 27 aprel 2023-cü il tarixli, 136 nömrəli Qərarla təsdiq edilmiş ölkənin istehlak bazarında strateji əhəmiyyətli malların siyahısına dəyişiklikləri təsdiqləyib. Yenilənmə, Dövlət Ehtiyatları haqqında Qanunun və müvafiq prezident fərmanının tətbiqi ilə əlaqədar həyata keçirilib, hökumət cümə axşamı elan edib.
-
Azərbaycan və Latviya işgüzar dairələrinin nümayəndələri Bakıdakı "Azərbaycan-Latviya İnformasiya və Şəbəkə Görüşü" çərçivəsində bir araya gəliblər. Tədbir, iki ölkə arasında iqtisadi əməkdaşlığın gücləndirilməsinə doğru atılan mühüm addım kimi qiymətləndirilir. Latviyanın Azərbaycandakı səfiri Edgars Skuya tədbirin hər iki ölkənin sahibkarlarını birləşdirmək, müxtəlif sahələrdə əməkdaşlığı artırmaq məqsədini daşıdığını vurğulayıb.
Rəy yaz