
Kənd Təsərrüfatı Nazirliyi Asiya çəyirtkəsinə qarşı mübarizə tədbirlərinə başlayıb
İyulun 12-dən Abşeron yarımadasının Novxanı, Pirşağı, Nardaran Bilgəh kəndlərinin və Sumqayıt şəhərinin Xəzər dənizinə yaxın ərazilərinə Asiya çəyirtkəsinin miqrasiyası müşahidə olunur. Bu barədə Kənd Təsərrüfatı Nazirliyinin Dövlət Fitosanitar Nəzarəti Xidməti məlumat yayıb.
Məlumatda deyilir ki, Dövlət Fitosanitar Nəzarəti Xidməti çəyirtkələrə qarşı mübarizə tədbirləri həyata keçirir.
Dövlət Xidmətinin rəisi Camal Quliyev bildirib ki, Asiya çəyirtkəsinə qarşı mübarizə tədbirlərinə başlanılıb və artıq 100 ha-dan artıq ərazidə bu tədbirlər həyata keçirilib.
Mübarizə tədbirlərinin həyata keçirilməsi üçün Dövlət Xidmətində qərargah yaradılıb, Bitki Mühafizəsi Mərkəzinin mütəxəssisləri, mobil dəstələrinin texnikası bu işlərə cəlb olunub.
“Asiya çəyirtkələrinin Şimali Qafqazdan, Terek çayı vadisindən miqrasiya etməsi müəyyən edilib. Çəyirtkə sürüsü güclü külək nəticəsində sahil zolağında dənizə düşüb. Bu səbəbdən də əsasən sahil zolağı ərazilərdə müşahidə olunur. Uzaq yol və dənizə düşmələri ilə zədələnmə səbəbindən adi hala nisbətən çox zəifdirlər və bir çox sahələrdə təbii ölümləri müşahidə olunur. Asiya çəyirtkəsinin müşahidə olunduğu ərazilərimizdə kənd təsərrüfatı əkinləri olmadığı üçün onların ciddi zərər vurması gözlənilmir. Bu növün əsasən qamışlı bataqlıq ərazilərdə yumurta qoyması nəzərə alınaraq, belə sahələrdə mübarizə tədbirləri ilk növbədə aparılır”, deyə o qeyd edib. -03D-
-
- Siyasət
- 15 İyul 2015 17:18
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz